Mataio 15:17 - Te B'aib'ara

¹⁷ Kam aki ataia b'a te b'ai ae rin i nanon te wii e rin nako nanon te biroto, ao i mwina e oti nako man te rab'ata?

Mataio 15:17 ပူးပေါင်းရင်းမြစ်များ

2.Uea 10:27

ao a kamaerikirikia, ao i mwiina, a urubekea temboran B'aara n akea naba nikirana teutana. Ao man te tai arei, e a riki b'a te b'ai ae akea bonganana b'a e a riki b'a aia kainakotaari aomata.

Mataio 15:16

Ao E taku Iesu: Ao ngkami kam babanga naba?

Mataio 15:18

Ma te b'ai ae nako man te wii e nako man te nano, ao boni ngaia ae kam'araea te aomata.

Mareko 7:19

B'a te b'ai anne, e rin nako nanoni birotona, ma e aki rin nako i nanona, ao e oti nako ni kawaina. E atonga aei Iesu ni kaotia b'a a kona ni kanaki am'arake nako.

Ruka 6:45

E kaoti baika raraoi te aomata ae raoiroi mani b'ain nanona aika raraoi; ao e kaoti baika bubuaka te aomata ae buakaka mani b'ain nanona aika bubuaka. E taetae te wii man onraken te nano.

1.I-Korinto 6:13

Ao temanna e taku, “Te am'arake i bukin te biroto, ao te biroto i bukin te am'arake.” Eng; ma te Atua E na kamaunai ni kauoua. B'a te rab'ata tiaki i bukin te wene ni bure, ma bon i bukin te UEA; ao te UEA i bukin te rab'ata.

Iakobo 3:6

Ao te newe ai aron te ai. B'a te newe kanga te aonnaba ae on n te buakaka i buakoni b'ain rab'atara nako; e kam'araea te rab'ata ni kabane, ao kanga e kaurarakea maiura ae b'anin n uran te ai mai Keenna.