Mataio 15:14 - Te B'aib'ara

¹⁴ Katikuia i bon i rouia! taani kairiri aika mataki. Ao ngkana te aomata ae mataki e kaira ae mataki naba, ao a na uaia ni b'aka i nanon te ruarua.”

Mataio 15:14 ပူးပေါင်းရင်းမြစ်များ

Itaia 31:3

Bon taian aomata naba kaain Aikubita. Bon tiaki Atua ngaiia. A bon karaoaki naba aia aoti man te iriko; a aki konaa ni maiu n aki toki. Ngkana e kaota m'aakana te UEA, ao ane e na tiringiia kaain Aikubita ao koraki ni kabane ake a mwiokoia. A na bane ni kaai ni b'aka.

Itaia 42:19

Bon akea ae e matakii riki ke e bonotaninga riki nakon ana tia uarongorongo, are ana tia m'akuri are e rineaki,

Itaia 56:10

Kam riai n riki ngkami taan kairiiri i Iteraera b'a kamea ake taan taratara, are kam na kakawakiniia au aomata. Ma akea te b'ai ae kam konaa n nooria, ao kam aki konaa naba n anga te kauring nakoia. Ma ti te b'ai ae kam karaoia te nimatutuu ao te mimiiroaroa.

Itaia 9:16

A tia ni kairiia ni kab'akaia botannaomata n te kawai ae e kaairua, ao a mangaongao aomata irouia.

Ieremia 5:31

A anga aia rongorongo taiani burabeti n aran te anti ni kewe. a aki tangiria au ibonga ni m'akuri i buku ma ngkami-Au aomata ni koaua kam tangira te kawai aei! Ma i nanon tain te kabuanib'ai anne, kam na rairaki nakon antai i bukin buokami?

Ieremia 6:15

A riai ni mamaa n aia bure ae moan te ribaaki, ao a aki roko naba n te mainarake moaia. Ai ngaia are ngkana I katuaaea Iuta, ao a na bane n toki i aon aontano, ni mate kaanga aekaia aomata nako. Bon aei au taeka Ngai ae te UEA.

Ieremia 8:12

A na riai ni kamaamaaeaki i bukin aia bure aika a rangi n ribaaki, ma a bon aki roko n te bwerengaki. Ai ngaia are ngke I katuaaea Iuta, a na bane ni b'aka i aon te tano, ni mate kaanga aroia aomata ni kabane.

Otea 4:17

Ngkami aika Iteraera kam a katamaroaaki n taian bouananti. Katikuia n aroia aomata akanne!

Maraki 2:8

Ma kam a tia ni katinanikuai. A kairiia aomata tabem'aang ami reirei nakon m'akuri aika a bure, ao kam a tia n urua te boraraoi are I karaoia ma ami bakatibu are Rewi.

Ruka 6:39

E tuangiia naba Iesu te taeka n rabakau ae kangai, E kona te aomata ae mataki ni kaira te aomata ae mataki? Tiaki ana bon uaia ni b'aka n te kinono iai?

Ioane 9:39

Ao E taku Iesu, “I roko n te aonnaba aei ni kaeti b'aai: b'a a na noraba akana matakii, ao a na riki ni matakii akana noraba.”

1.Timoteo 6:5

ma aia meremere n taai nako aomata aika babanga n iango, aika akea irouia te koaua. A taku n aia iango b'a tauan te Aro boni ngaia ae e reke mai iai te kaub'ai.

2.Betero 2:1

Ma bon iai burabeti ni kewe i buakoia aomata ngkekei, ao ai bon arona naba b'a a na iai i buakomi taan reirei ni kewe, aika a na kaoti n te aro ni karaba ao ana uoti taiani koaua aika kairua aika na urua te onimaki, ao a na kakeaa te Toka are kainaomataia; ao n te aro aei a na karoko mateia iai ni waekoa.

2.Betero 2:17

Boni kanga m'anib'a aika akea te ran i nanoia te koraki aei, ao kanga mabubu aika buti b'a a ukaki n te ang ae baibati; e kawakinaki i bukiia neia n te roo ae rotongitong.

Te Kaotioti 19:20

Ao e tauaki te man are tiritiri, ma te burabeti ni kewe are karaoi kanikina i matana, ake e m'am'anaia iai te koraki ake a kanikinaeaki n ana kanikina te man are tiritiri, ma te koraki naba ake a taromauria te bouananti are karaoaki b'a katotongana. E teweaki nako te man are tiritiri ma te burabeti ni kewe, ngke e maiu, i nanon te nama are te ai are ura n te burimton.

Te Kaotioti 22:15

Taani mena i tinanikun te nono bon te koraki aika baba n tangira te kammaira ma te wene ni bure; ao raoia bon taan tabunea, ma taani kamateia aomata, ma taan taromauri bouananti, ma akana tatangira taekinan te kewe ma karaoana naba.