Mataio 14:31 - Te B'aib'ara

³¹ E waekoa Iesu ni kanakoa baina n taua, ao E taku nako ina, “Te aomata ae e karako am onimaki! Ko aera ngkai ko nanokokoraki?”

Mataio 14:31 ပူးပေါင်းရင်းမြစ်များ

Karikani B'aai 22:14

Ao e arana te tabo arei Aberaam b'a “E karekea te UEA.” Ao a kaangai aomata ni boong aikai, “E na karekeaki i aon ana Maunga te UEA.”

Taian Areru 138:7

Ngkana a otab'aniniai taiani kaangaanga, ao Ko boni kakaawakinai. Ko ekianako nako taan ribaai ngkana a un, ao Ko kamaiuai ni m'aakam.

Itaia 63:12

E M'aati m'aakan te UEA i rarikin Moote. E na neboaki te UEA n aki toki i bukin bwenauaakin taari.

Mataio 14:30

Ma ngke e nora te ang b'a e korakora karena ao e maaku, ao ngke e tabe n inako ao e takarua ni kangai, “Te Uea, kamaiuai!”

Mataio 14:32

Ao ngke a toka n te booti, ao e b'aka te ang.

Mataio 16:8

Ma Iesu, ngke E ata aei, ao E taku, “Ngkami aika karako ami onimaki, kam aera ngkai kam iango i roumi i bukin akean te am'arake i roumi?

Mataio 17:20

E taku Iesu nako ia, “I bukina b'a a karako ami onimaki. B'a e koaua ae I a tuangngkami, b'a ngkana iai ami onimaki ae ai aroni buburani koraan uaan te m'akeke, ao ngkana kam kangai nakon te maunga aei, Ko na m'ae maikai nako ikekei, ao e na m'ae; ao bon akea te b'ai teuana ae kam na aki kona!”

Mataio 6:30

Ma ngkana e kunnikaiaki iroun te Atua te uteute ae mena n te aba ae maiu n te bong aei ao e karenakoaki nako nanoni nnen te ai ningabong, ao tiaki kam na kakoaua b'a E na boni karekei kunnikaimi, ngkami aika karako ami onimaki?

Mataio 8:26

Ao Ngaia E kangai nako ia, “Kam aera ngkai kam maaku? Ngkami aika a karako ami onimaki!” Ao E tei rake, ao E takua te ang ma naao, ao e a bati naba te ariki.

Mareko 1:31

ao E nako n taua baina, ao E kateirakea, ao e a toki naba kabuebuena; ao e touatiniia neierei.

Mareko 1:41

Ao E nanoangaia Iesu, ao E arora baina n riingnga, ao e taku nako ina, “I kani kaitiakiko! Ko na itiaki.”

Mareko 11:23

E koaua ae I tuangngkami b'a ane kangai nakon te maunga aei, Ko na tabekaki nako, ao b'aka i tari, ao e aki nanokokoraki i nanona ma e onimaki b'a e na koro bukin are e taekinna, ao e na boni karaoaki i bukina.

Mareko 16:7

Ma kam na nako, ao tuangiia ana reirei ma Betero naba b'a ae E ri moami nako Kariraia; ane kam na noria ikekei, n aron are E a tia n tuangngkami.

Mareko 4:40

Ao E taku nakoia ana reirei, “E aera ngkai kam maaku? Akea ami onimaki?”

Mareko 5:41

E taua bain te teei Iesu, ao E taku nako ina, “Tarita koum, ae nanona, “Te teeinaine, I taku nako im, Tei rake!”

Ruka 24:34

ao a kangai, “E a bon tia ni manga uti te Uea, ao E a tia ni kaoti nakon Timon!”

M'akuri 4:30

Ko na arora nako baim ni kamaiu, ao anganira te kona ni karaoi kanikina ma m'akuri aika kamimii i nanon Aran Natim are Raoiroi are Iesu.

Te Tua-Kaua 32:36

E na ti kona n nanoangaia te UEA ma n anganiia te motikitaeka ae eti ngkana ai ti tabeman ana Aomata, ao akea korakoraia ao a riki tabeman mai buakoia b'a buure, ao E a tib'a nanoangaia te UEA ao E a anganiia te motikitaeka ae eti.

1.Timoteo 2:8

Ma ngaia ae I tangiriia mm'aane b'a a na arori baiia aika aki karaoa ae buakaka ao a na tabeki rake n tataro n taabo nako, n aki un ma n aki kauntaeka.

1.Betero 1:5

ngkami aika kam kawakinaki ni m'aakan te Atua n te onimaki, i bukin te kamaiuaki ae e tauraoi ni kaotaki n te kabanea n tai.