Mataio 14:29 - Te B'aib'ara

²⁹ Ao E taku Iesu, “Nako mai!” Ma ngaia are e ruo Betero man te booti ao e nakonako i aon te ran n nakon Iesu.

Mataio 14:29 ပူးပေါင်းရင်းမြစ်များ

Mataio 14:28

Ao e kaekaa Betero ni kangai, “Te Uea, ngkana boni Ngkoe, ao Ko na tuangai b'a N na nako Im i aon te ran.”

Mataio 14:30

Ma ngke e nora te ang b'a e korakora karena ao e maaku, ao ngke e tabe n inako ao e takarua ni kangai, “Te Uea, kamaiuai!”

Mataio 17:20

E taku Iesu nako ia, “I bukina b'a a karako ami onimaki. B'a e koaua ae I a tuangngkami, b'a ngkana iai ami onimaki ae ai aroni buburani koraan uaan te m'akeke, ao ngkana kam kangai nakon te maunga aei, Ko na m'ae maikai nako ikekei, ao e na m'ae; ao bon akea te b'ai teuana ae kam na aki kona!”

Mataio 21:21

E kaekaia Iesu ao E taku, “E koaua ae I a tuangngkami b'a ngkana iai ami onimaki ao kam aki nanokokoraki, ao kam kona ni karaoa ae e karaoaki nakon te biku aei; ao tiaki ti ngaia, ma ngkana kam kangai nakon te maunga aei, Ko na tabekaki nako n teweaki nako marawa, ao e a karaoaki naba.

Mareko 9:23

E taku Iesu nako ina, “Ngkana ko boni kona ngkoe! A konaki b'aai nako iroun ane onimaki.”

Ruka 17:6

Ao E kangai te Uea: Ngkana iai ami onimaki ae kanga ai aron te koraa ae moan te uarereke, ao kam kona ni kangai nakon te kai aei, Ko na taekaki, ao ko na unikaki i taari; ao e na ongo i roumi.

M'akuri 3:16

E a kamaiuaki teuae kam noria ma ni kinaa, n onimakinan aran Iesu; b'a onimakinan Iesu boni ngaia ae angan teuaei te marurung aei n aron ae kam bane n noria i matami.

I-Rom 4:19

Ao e aki kerikaaki ana onimaki ngke e iangoa rab'atana b'a kaanga e mamara ngke tao tebubua ana ririki; ao ngke e iangoa naba aron Tara n aki kona ni kariki.

I-Biribi 4:13

I konai b'aai ni kabane ni kaitarai iroun Teuare kakorakoraai.