Mataio 14:28 - Te B'aib'ara

²⁸ Ao e kaekaa Betero ni kangai, “Te Uea, ngkana boni Ngkoe, ao Ko na tuangai b'a N na nako Im i aon te ran.”

Mataio 14:28 ပူးပေါင်းရင်းမြစ်များ

Mataio 14:27

Ma E waekoa Iesu n taetae nako ia, ao E taku, “Kam na karau nanomi, boni Ngai; tai maaku!”

Mataio 14:29

Ao E taku Iesu, “Nako mai!” Ma ngaia are e ruo Betero man te booti ao e nakonako i aon te ran n nakon Iesu.

Mataio 19:27

E kaeka ngkanne Betero ao e taku, “Noria, ti a tia ni kitani b'aai ni kabane, ao ti iririko; tera ngkanne ae ti na karekea b'a ara b'ai?”

Mareko 14:31

E kaekaa Betero ma te b'anaa n ninikoria, ao e kangai, “Ngkana N na boni mate ma Ngkoe, ao N na bon aki kakeako!” Ao a bane n atongi taeka naba akanne.

Ioane 6:68

E kaekaa Betero ao e taku, “Te Uea, ti na nako n antai? A mena iroum taeka aika e reke mai iai te maiu are aki toki.

I-Rom 12:3

I bukin te akoaki are I anganaki, ao aei au taeka nakoimi n tatabemaningkami nako: e na tai iango temanna i nanona ni kamoamoa i bon i rouna i aon ae riai; ma e na b'aina te iango raoi, ao e na kaetieta arona ma aron te onimaki are E a tia te Atua n tib'aia nakoia aomata nako.

Iakobo 1:6

Ma e na bubuti ma te nano n onimaki, n aki nanokokoraki teutana; b'a ane nanokokoraki ai aron naoni marawa ae ukaki n te ang ao e kaueaki.