Mataio 14:23 - Te B'aib'ara

²³ Ao ngke E a tia ni kanakoia aomata, ao E ararakea te maunga n ti Ngaia b'a E na tataro. Ngke e a tairiki, ao bon ti Ngaia naba ikekei;

Mataio 14:23 ပူးပေါင်းရင်းမြစ်များ

Mataio 26:36

Ao E nako Iesu ma ana reirei nakon te tabo ae arana Ketetem'ane. Ao E taku nako ia, “Kam na tekateka ikai, b'a N na nako ikekei n tataro.”

Mataio 6:6

Ma ngkana ko tataro, naako rin n am ruu, ao kaina te mataroa, ao tataro nakon Tamam ae raba; ao E na anganiko Tamam ae raba te b'ai n tituaraoi b'a am b'ai.

Mareko 1:35

N te bong are i mwina, n te tai ae boni maan i m'ain otin taai, ao E uti, ao E oti nako, ao E nako n te tabo ae akea te maeka iai, ao E tataro iai.

Mareko 6:46

Ao ngke E kitaniia aomata, ao E nako n te maunga b'a E na tataro.

Ruka 3:21

Ngke a bane n tia ni b'abetitoaki aomata, ao ngke E a tia naba ni b'abetitoaki Iesu, ao n te tai are E tataro iai ao e kaukaki karawa,

Ruka 5:16

Ma E kam'awa Iesu mai buakoia aomata ao E nako n tataro n taabo ake aki maekanaki.

Ruka 6:12

Ni boong akekei, ao E nako Iesu nakon te maunga b'a E na tataro iai, ao E kangainaa n tataro nakon te Atua.

Ruka 9:18

Ti Iesu n tataro n te tai teuana ngke a roko i Rouna ana reirei; ao E titirakiniia ni kangai, “A taku aomata b'a antai Ngai?”

Ruka 9:28

Tao wanibong i mwin ana taeka Iesu akekei, ao E kaira Betero ma Ioane ma Iakobo, ao E ararake nako aon te maunga b'a E na tataro iai.

M'akuri 6:4

Ao ngaira ti na kabanei riki ara tai n te tataro, ao n tabeakinan ana taeka te Atua.”