E tuangiia ngkanne aomata b'a a na tekateka i aon uteute; ao e anai kariki ake nimaai ao ika ake uoman, ao E tara rake nako karawa, ao E kaitaua te Atua. E urui kariki ao E angania ana reirei, ao ana reirei a angania aomata.
E tuangiia aomata b'a a na tekateka i aontano; ao E anai kariki ake itiai, ao ngke E a tia n tataro ni katituaraoi, ao E urui kariki ao E anganiia ana reirei b'a a na kaki i mataia aomata; ao ana reirei a kaki i mataia aomata.
E taku Iesu, “Tuangiia aomata b'a a na tekateka n rarikiriki.” B'a e bati te uteute n te tabo arei. A bane n tekateka aomata, ao tao nimangaa m'aitiia mm'aane.
