Mataio 13:52 - Te B'aib'ara

⁵² Ao E taku nako ia, “Ma ngaia aei, b'a te tia koroboki ae reireiaki b'ain Uean te Atua, ai aron te aomata ae iai ana auti, ao te aomata arei e kaotinakoi b'aai aika boou ma b'aai nikawai mani nen ana b'ai.”

Mataio 13:52 ပူးပေါင်းရင်းမြစ်များ

Etira 7:10

E a tia Etira ni kabanea maiuna ni kamateb'aia, ao n ongotaeka n ana Tua te UEA ma n reireiniia tabem'aang iai.

Etira 7:21

Etira, bon te ibonga ngkoe ao ko atatai n ana tua te Atua ni karawa, ao I a tia n tuangiia taani kaawakin taiani kaub'ai ni kabane n te m'akoro n tautaeka i Maeao aia kabanea n tamaroa ni buokiko.

Etira 7:6

Bon te aomata ae e rangi atatai Etira n te tua n te aro are e a tia n anga te UEA ae Atuaia aomatan Iteraera nakon Moote, ao E kabobongaa nanon te uea n te aro b'a a na bane n reke baike e buubuti iai Etira.

Taeka n Rabakau 11:30

Maiuakina te raoiroi, ao ane kam na am'arake man te aroka are e angaanga te maiu. Ao ngkana kam m'akuri n aron te aomata ae e wanawana, ao ane a na katotoongkami tabem'aang.

Taeka n Rabakau 15:7

A karekea te iango raoi taeka ni wanawana; bon akea nanon te b'ai ae a iangoia aomata aika a nanobaba.

Taeka n Rabakau 18:4

Bon te karaanga n ran taeka ni wanawana are e raanga man te koburake n ran ae e nano.

Ana Anene Toromon 7:13

Raou ae e tangiraki, e kaonaki te ang ni boiararan te uee ae e m'aaka. I a tia ni kaawakin i bukim aekaki n uaanikai nako aika a kangkang i matan ara mataroa.

Mataio 12:35

E kaoti baika raraoi te aomata ae raoiroi man ana b'ai nako aika raraoi; ao e kaoti baika bubuaka te aomata ae buakaka man ana b'ai nako aika bubuaka.

Mataio 13:51

Ao e titirakiniia Iesu b'a atai nanoni baikai ni kabane. A taku nako Ina, “Eng.”

Mataio 13:53

Ao Iesu, ngke E a tia n atongi taeka ni kabotau aikai, ao E kitana ikekei.

Mataio 23:34

Ma ngaia ae N na kanakoia burabeti, ma aomata aika rabakau, ma taani koroboki nako imi: ao ane kam na kamateia tem'angina, ao kam na tauriia tem'angina ni kaibangaki; ao ane kam na kataereia tem'angina i nanoni m'aneabami, ao kam na kakioia nako man te kawa teuana nakon te kawa teuana.

Mataio 28:19

Ma ngaia ae kam na nako ni karikia aomata nako b'a au reirei, ni b'abetitoia nako nanon aran te Tama ma te Nati ma te Tamnei are Raoiroi,

Ruka 11:49

Ma ngaia are e taku Rabakaun te Atua, “N na kanakoia burabeti ma taan tuatua nako ia, ao ane a na kamateia tem'angina, ao a na b'ainikiriniia tem'angina.”

Ioane 13:34

I anganingkami te tua ae boou: kam na i tangitangiri; n ai arou ngke I tangiringkami, b'a kam aonga n i tangitangiri.

2.I-Korinto 6:10

ngke ti taonaki n te rawawata n nano, ma ti aki toki ni kukurei; ngke ti riki b'a kanga aomata aika akea aia b'ai, ma ti karikirakei aroia aomata aika bati b'a a na kaub'ai; ngke ti riki b'a ai aroia akana akea aia b'ai, ma ti b'aini b'aai nako.

I-Ebeto 3:4

b'a ngkana kam wareki, ao kam kona iai n ata au atatai n ana b'ai ae raba Iesu,

I-Ebeto 3:8

I anganaki, ngai ae moan te mangori i buakoia ake a itiaki ni kabaneia, te m'akuri ae kakawaki aei, ae te tataekina nakoia aomata aika tiaki I-Iutaia taekan aroni Kristo aika kamimii, aika kangaanga aroia ni kuneaki,

I-Korote 1:7

N ai aron are kam reireiaki iai iroun Eb'abera are raora ni m'akuri ae tangiraki, ae ana tia m'akuri Kristo ae kakaonimaki, ae onei mwira ni m'akuri.

I-Korote 3:16

E na titiku ni maeka ana taeka Kristo i nanomi; ao kam na anenei taekan Taian Areru ma anene ma kuuna aika kam kairaki iai iroun te Tamnei; kam na anene nakon te Atua ma te nano ni katituaraoi.

1.Timoteo 3:6

E riai n ikawai i nanon te onimaki, b'a e kaawa ni kaonaki nanona n te kainikatonga ao e motikaki taekana ni karawaawataaki, n aron te riaboro.

Tito 1:9

e na taua ni kamatoa te taeka are iai onimakinana are e reireiaki iai, b'a e aonga ni kona ni kaungaia aomata n te reirei ni koaua, ma ni kaoti aia kairua te koraki akana ekianako.