Mataio 13:36 - Te B'aib'ara

³⁶ E kitaniia aomata Iesu, ao E nako n rin n te auti. Ao a roko ana reirei i Rouna, ao a taku, “Ko na kaota nako ira nanon te rongorongo ni kabotau are taekaia titania ake ni nnen uita.”

Mataio 13:36 ပူးပေါင်းရင်းမြစ်များ

Mataio 13:1

N te bongi naba arei, ao E nako Iesu man te auti, ao E tekateka i rarikin te nama.

Mataio 13:11

Ao E kaekaia ni kangai, Kam a tia n anganaki baika raba aika b'ain Uean te Atua; ma ngaiia, a tuai n anganaki.

Mataio 13:18

Kam na ongora ngkanne ni kab'arab'araan nanon te rongorongo ni kabotau are taekan te tia ununiki.

Mataio 13:25

Ma ngke a matu aomata, ao e roko ana kairiribai ao e uniki koraan titania i buakoni koraa n uita, ao e nako.

Mataio 14:22

E kairoroia ngkanne ana reirei b'a a na toka n te booti n ri moana nakon iteran te nama, are iterana are teuana, ngkae E tabe ni kanakoia aomata.

Mataio 15:39

Ao E kanakoia aomata Iesu, ao E toka n te booti, ao E nako n aaba ake i M'akatan.

Mataio 9:28

Ngke E rin n te auti, ao a roko i Rouna mataki ake uoman; ao E taku Iesu nako ia, “Kam kakoaua b'a I kona ni karaoa te baenne?” A taku nako Ina, “Eng, te Uea!”

Mareko 4:34

E aki kona n taetae nako ia n aki kabonganai taeka ni kabotau; ma ngkana ti Ngaia ma ana reirei, ao E kamatatai nanoni b'aai ni kabane nako ia.

Mareko 6:45

Ao ngkekei naba, iai ana m'akuri Iesu are E karaoia are e a karika iai tokaia ana reirei i aon te booti, ao a nako n ri moana nako Betetaita; ao Ngaia, E kaokiia nako aomata.

Mareko 7:17

Ngke E kitaniia aomata ao E rin n te auti, ao ana reirei a tuangnga b'a E na kaota nako ia nanon te taetae ni kabotau arei.

Mareko 8:9

M'aitiia aomata tao aua tengaa. Ao E kaokiia nako Iesu.