Mataio 13:33 - Te B'aib'ara

³³ E a manga tuangiia te rongorongo ni kabotau teuana, ao E kangai, “Uean te Atua ai aron te iti, are e anaia te aine ao e renganna ma te buraawa ae abwi rawawatana, ao e kabanea ni karikirakea te buraawa.”

Mataio 13:33 ပူးပေါင်းရင်းမြစ်များ

Karikani B'aai 18:6

Ao e kawaekoa Aberaam nakon ana auti n rianna, ao e taku nakon Nei Taara, “Ienikuriko anaa am baeki ni buraawa are te kabanea n tamaroa, ao karaoa am kariki iai.” E mena Nei Taara i akuun Aberaam ni mataroan te auti n rianna, ao e kakauongo.

2.Tamuera 13:6

Ao e tiku n ana kainiwene Amnon ni bakaaea te aoraki. Ao ngke e roko te uea n nooria, ao e taku Amnon, “Taiaoka, butiia Nei Taama b'a e na nakomai, b'a e na karaoa te kariki ibuku ikai b'a N na matakuakinna ngkana e karaoia ao e na nikira kanau te kariki.”

Iobi 17:9

E na bon aki toki waen te aomata ae raoiroi, ao e a rikirake ni korakora ma ni korakora ane e itiaki baina.

Taeka n Rabakau 4:18

Katein maiuia aomata aika a raoiroi kaanga ai aron ootan taai n te kaarangaina are e tabe n rikirake ootana ni karokoa e a boni ngaina raoi.

Otea 6:3

Ti na karaoa ara kabanea n tamaroa n ukoukora ataakin te UEA. E a bon roko kaanga taai n te ingabong; E na manga kamaiu nanora kaanga te karau ngkana e kabooua te aonnaba i nanon tain tokin te kam'aitoro.

Mataio 13:24

E a manga tuangiia te rongorongo ni kabotau teuana, ao E kangai, Uean te Atua e kona ni kabotauaki ma te aomata are uniki koraa n uita aika raraoi i abana.

Mareko 13:20

Ao ngkana E aki kakimototoi boong akanne te Uea, ao bon akea te aomata temanna ae na kamaiuaki; ma E kakimototoi boong akanne i bukiia ake a rineaki, ake E rineia.

Ruka 13:21

Ai aron te iiti are e anaia te aine ao e renganna ma te buraawa ae tao nimabwi te b'auna rawawatana, ao e kabanea ni karikirakea te buraawa.”

Ioane 15:2

Te m'aanga ae nim ma Ngai ae e aki uaa, ao E kanakoa; ao te m'aanga ae uaa, E kaitiakia, b'a e aonga ni kariki uaana aika m'aiti.

I-Karatia 5:9

E kaangai te taeka, “Te iiti ae ti teutana e kona ni karikirakea te buraawa ae na karikaki.”

I-Biribi 1:6

ao I koaua raoi n aei, b'a Teuare moana te m'akuri ae e raoiroi i nanomi, E na boni wakina karaoana ni karokoa ae e tia n ana bong Kristo Iesu.

I-Biribi 1:9

Ao bon aei au tataro b'a e na ririki rake ni kabatiaki ami tangira, n te aro n rabakau ma n atatai.

2.Betero 3:18

Ma kam na rikirake n te akoi ao n ataakin ara Uea ao ara Tia Kamaiu are Iesu Kristo. Ana b'ai te neboaki ngkai, ao n aki toki. Amen.

Tani Motiki-taeka 6:19

Ao e okira ana auti Kiteon, ao e tiringa te kooti ae uarereke, ao e a kaburoa irikona. Ao i mwiina, e kauka te baeki ni buraawa, ao e karaoa te kariki ae manii mai iai. Ao ngke e a m'ai te iriko, ao e karinna n te b'atiketi, ao e kab'aroa ranna nakon te b'aata te kaatiibu. E ana te iriko, ma ranna, ao te kariki, ao e katikui i aan te aroka are buubura arei.

1.Tamuera 1:24

Ao ngke a manga roko naba tain te nako Tiro n te ririki, ao a uota Tamuera Nei Anna ma Erekana e uota Tamuera nakon Ana auti te Atua. Ao a uota naba te kao ae tenua ana ririki, ma te tiaeki ae kanoana ruaiwa te kirokuraem te buraawa, ao te b'aata ae onrake n te wain.