Mataio 13:23 - Te B'aib'ara

²³ Ao are unikaki n te tano are raoiroi bon ane ongo ana taeka te Atua ao e ata nanona; ao e kaoti uaana b'a tatabe bubua ke kaka onobwi ke kaka tenibwi.

Mataio 13:23 ပူးပေါင်းရင်းမြစ်များ

Etekiera 18:31

Kaaki arom aika a buakaka ao moana iangoan iango aika a raoiroi. Ao kakaonimaki nako iu! Ko tangiria b'a ko na tiringaki i bukin am bure!

Etekiera 36:26

N na kanakoi nanomi aika a matoatoa ao N na anganingkami nanomi aika a boou ao n tangira te kakaonimaki. E na ti reke iroumi te iango aika a itiaki,

Mataio 12:33

E riai n iai i roumi te kai ae maiu raoi ngkana kam tangira te uaa ae raoiroi; ngkana e aki maiu raoi te kai, ao ane kam na karekea uaana ae buakaka; b'a e kinaki aron te kai n uaana.

Mataio 13:8

A b'aka tabeua koraa i aon te tano ae raoiroi, ao a riki b'a aroka aika uaa: tabekai tatabe bubua uaaia, ao tabekai kaka onobwi, ao tabekai kaka tenibwi.

Mataio 3:10

Ao e tauraoi ngkai te angaraa ni korei kaai mani wakaaia; te kai are aki kariki uaa aika raraoi, e na koreaki ni kab'akaki, ao e na teweaki nako nanon te ai.

Mataio 3:8

Kam na karaoi m'akuri aika na kaota ae kam a tia n rairi nanomi;

Mareko 10:15

E koaua ae I a tuangngkami b'a ane aki butim'aea Uean te Atua n ai aron te teei, ao e na bon aki kona n rin iai.”

Mareko 4:20

Ma tem'angina, a kabotauaki b'a kaanga koraa ake a unikaki n te tano are raoiroi. A ongo te taeka, ao a kaki i nanoia, ao a kariki uaa: tabem'aang kaka tenibwi, ao tabem'aang kaka onobwi, ao tabem'aang tatabe bubua.”

Ruka 13:9

Ao ngkana e kariki uaa n ana tai n uaa, ao e na rangi n raoiroi; ma ngkana e aki, ao ko a kona ni koreia ni kab'akaa.”

Ruka 8:15

Ao i bukiia ake n te tano are raoiroi, akanne bon te koraki ake a ongo te taeka ao a taua ni kamatoa ma te nano ae koaua ae raoiroi, ao a kariki uaa i bukin aia taotaonaki n nano.

Ruka 8:8

Ao a b'aka tabeua i aon te tano ae raoiroi ao a riki rake, ao a kariki uaa aika tatabebubua. Ao E kanenea riki b'anaana ao E taku, “Ane iai taningana n ongo, ao ke e ongo!”

Ioane 15:16

Kam aki rineai; ma I rineingkami, ao I bairei ami m'akuri, b'a kam na nako ni kariki uaa aika bati, ao a na aki mauna uaami; ma ngaia are ngkana iai te bae kam butiia iai Tamau n arau, ao E na anganingkami.

Ioane 8:47

Ane mairoun te Atua, ao e ongo ana taeka te Atua; ma tiaki mairoun te Atua ngkami, ma ngaia ae kam aki kan ongo.”

M'akuri 16:14

E ongora iroura te aine temanna ae arana Nei Ruria, ae te I-Tuateira, ae te tia kaboa nako te kunnikai ae uraro. E tataromauria te Atua, ao E kauka nanona te UEA b'a e na butim'aai baike e taekini B'auro.

M'akuri 17:11

A raraoi riki nanoia I-Iutaia i Beroia nakoia ake i Tetaronike, b'a a kani kaaki i nanoia ana taeka te Atua, ao a katoa te bong ae koraki n ukeuke n te B'aib'ara, b'a a kani kakoauai baike a taekinaki.

2.I-Korinto 9:10

Ao Teuare angan te tia ununiki te koraa ma te am'arake b'a kanana, E na anganingkami te koraa ni kam'aitia b'a kam na unikia, ao E na kabati uaan ami tituaraoi.

I-Biribi 1:11

ngkai a kaonaki maiumi ni baika reitaki ma ana kaantaninga te Atua, aika baika mairoun Iesu Kristo, are E neboaki te Atua iai ma ni karaoiroaki.

I-Biribi 4:17

Tiaki nanona b'a I kani karekea te b'ai n tituaraoi, ma I tangira aromi n angab'ai.

I-Korote 1:10

b'a kam aonga ni karaoi baika boraoi ma nanon te UEA, aika E na kukurei iai, n aromi ni karaoi m'akuri nako aika raraoi; ao b'a kam aonga n ata riki aron te Atua,

I-Korote 1:6

are roko i roumi ao i aonnaba ni kabane: ao e kariki uaa ma n riki rake naba i nanomi man te bong are kam ongo taekana iai, ao n ata raoi ana akoi te Atua n arona ni koaua.

1.I-Tetaronike 4:1

Te kabanea ngkanne: taari, ti butingkami ma ni kaungaingkami iroun te Uea are Iesu, b'a ngkai kam a tia n reirei mai roura aromi ni maiu ae riai ae kakukureia te Atua, n aron ae kam b'ainna ngkai ni maiumi, ao kam na kabatia riki karaoana ni maiumi.

2.I-Tetaronike 2:10

Ao e na kamanenai aaro ni m'am'anai ni kabane aika buakaka nakoia te koraki ake a nangi boni mate, i bukin aroia n rawa n anganaki tangiran te koaua are a na kamaiuaki iai.

Ebera 4:2

B'a e a tia n taekinaki te euangkerio nako ira, n ai aroia; naba; ma e matebuaka i rouia te rongorongo are a ongo, b'a a aki b'aina naba te onimaki are e reke irouia te koraki ake raoia n ongora.

Ebera 6:7

B'a e kakab'aiaki iroun te Atua te tano ae a tia n oonga te karau ae b'ab'aka i aona, ae e kariki aroka aika bongana nakoia akana e ribanaaki i bukiia.

Ebera 8:10

B'a aio te boraraoi ae N na karaoia ma te botannaomata ae Iteraera i nanoni boong aika na roko, bon ana taeka te Uea: N na karin au tua i nanon aia iango, ao N na koroi i nanoia. N na riki b'a Atuaia, ao ngaiia a na riki b'a au aomata.

2.Betero 3:18

Ma kam na rikirake n te akoi ao n ataakin ara Uea ao ara Tia Kamaiu are Iesu Kristo. Ana b'ai te neboaki ngkai, ao n aki toki. Amen.

1.Ioane 5:20

Ao ti ata Natin te Atua b'a E a roko, ao E anganira te atatai, b'a ti na ata Teuare koaua; ao ti nim ma Teuare koaua, ti reitaki ma Natina are Iesu Kristo. Bon aei te Atua ni koaua, ao te maiu are aki toki.