Mataio 13:20 - Te B'aib'ara

²⁰ Ao are unikaki i aon te ririb'a bon ane ongo ana taeka te Atua ao e butim'aia naba ma te kukurei;

Mataio 13:20 ပူးပေါင်းရင်းမြစ်များ

2.Rongorongo 24:14

A aki kabanea te m'ane n onob'aian te Tembora, ma ngaia are, e a manga anganaki Ioati ma Ieoiata nikiran te m'ane, ake a manga kamanenaa ni karaoi iai taian raurau taano ao b'ain te Tembora aika koora ma tirewa. Ao e karaoaki te angakarea are kakukureian te UEA ni katoa tai i nanon te Tembora ni kabane ana tai ni maiu Ieoiata.

2.Rongorongo 24:2

Ngke e bon maiu te ibonga are Ieoiata, ao e ongotaeka Ioati iroun te UEA ni karaoi baika a raoiroi.

2.Rongorongo 24:6

Ma ngaia are, e a manga kawaekoa Ieoiata are te ibonga are e rietaata ao e titirakinna ni kaangai, “E aera ngkai ko aki kanakoia kanoan Rewi b'a a na rikoi taian ronrab'ata? E kariaia ngkoa ana toro te UEA are Moote ao aomata b'a e na rikoaki taian ronrab'ata ma ni kamanenaaki i bukin kateimatoan te Um'antabunrianna.

Itaia 58:2

Kam katoa bong n taromauria ao kam taraa ni kan atai ana reirei nako. Kam karaoa aron te botannaomata ae e kan karaoa ae e raoiroi n ongotaeka nakon ana Tua nako. Buubutia ana motikitaeka ae e eti, ao taekinna b'a ko tangiria n taromauria te UEA.

Mataio 13:19

Ngkana e ongo taekan Uean te Atua te aomata ao e aki ata nanona, ao e roko iai teuare buakaka n anaa are e a tia n unikaki i nanona; aei te koraa are unikaki ri rarikin te kawai.

Mataio 13:21

ma akea wakaana i nanona, ao e aki tiku ni maan; ao ngkana e roko te kanganga ke te b'ainikirinaki i bukin ana taeka te Atua, ao e a b'aka naba.

Mataio 7:8

B'a ane bubuti ao e na anganaki, ao ane ukeuke ao e na karereke, ao e na kaukaki te mataroa nakon ane karebwerebwe.

Mareko 6:20

b'a Erote, e maaka Ioane, n ataakina i rouna b'a te aomata ngaia ae raoiroi ae tabu; ao e kawakinna raoi. E kan ongongora i rouna, e boni ngae ngke e kakakiriweaki nanona ni katoa te tai are e ongora iai i rouna.

Ioane 5:35

Ai aron te taura Ioane are ura ao e oota nako urana, ao kam a tia ni kariaia b'a kam na kim'areirei n ootana i nanon tabeua te bong.

M'akuri 8:13

Ao Timon e kakoauaa naba Biribo; ao ngke e a tia ni b'abetitoaki, ao e a titiku naba i rarikini Biribo, ao boni moan te mimi ngaia ngke e noori kanikina ma m'akuri ni kamimii ake a karaoaki.