Mataio 13:15 - Te B'aib'ara

¹⁵ B'a e a reke irouia aomata aikai te roo n nano, ao a rawa taningaia ni kan ongo, ao a kamatakiaki mataia: b'a a kawa n noraba ni mataia, ao n ongora n taningaia, ao n atatai n nanoia, ao n rairaki b'a N na kamaiuia.’

Mataio 13:15 ပူးပေါင်းရင်းမြစ်များ

Taian Areru 119:70

Akea aia atatai aomata aikai, ma I kakukureiaki n am Tua.

Taeka n Rabakau 16:30

Ngkana iai ae e kakoea matana ke n tenatenai wiina mai akuum, ao e a kaan roko te kangaanga.

Itaia 44:20

E kaanga te aomata n akea kanoan ana iango n taromauria te b'ai ae e konaa ni kabuokaki ni kamannangaki? Bon akea ae e konaa ni kamaiuia n aron anne. A bon aki ataia b'a te bouannanti are a taui i nanoni baiia bon tiaki taian atua ni koaua?

Itaia 57:18

I a ataa arom! Ma N na kamaiuko, N na kairiko, ao N na anganiko te mweraoi, ni karokoa te tai are a na anene n nebonebo

Itaia 6:10

“Karaoaia aomata aikai b'a a na taningabono! bonoti taningaia, rabun mataia, karaoaia b'a a na aki ataa te b'ai teuana. Tai katanimaia nako iu b'a a na kamaiuaki.”

Ieremia 17:14

Te UEA, boni Ngkoe ae I neboiko. Ma ngaia are, Ko na kamarurungai ma ni kamaiuai! Ao i mwiina, N na marurung raoi ma ni kaawakinaki raoi.

Ieremia 17:9

Kam rangi ni kam'aam'ane ngkami aika kaain Iuta n te aro are kam a manga bon kananobabaingkami i bon iroumi, ao kam aki konaa ni bitaki.

Ieremia 3:22

N na kaangai nako ia, “Okirai, N na kamaiungkami man ami aki kakaonimaki.” Ao a kaeka ni kaangai, “Ti na okiriko, b'a bon ngkoe ara UEA ao Atuara.

Ieremia 33:6

A na roko boong are N na kamaiua iai te tabo aei ma kaaina, ao a na kukurei n te rau ae akea tokina.

Otea 14:4

Iteraera, kam a tia ni katinanikuai, ma e a toki uniu; N na kamaiungkami man tangiringkami n akea tiana.

Tekaria 7:11

Ma aomata nako aika a ongo irouia burabeti aikai, a bon taningabono ma n rawa ma n aki ongotaeka irou.

Maraki 4:2

Ma ngkami aika kam karinea arau, e na oota i aomi te tokanikai kaanga taai ma buraenimata aika a uota te maiu, ao kam na kibakiba rake kaanga taian kao ataei aika a takaakaro.

Mareko 4:12

b'a a aonga n taratara ma n taratara, ma a na aki noraba; b'a a na ongora ma n ongora, ma a na aki atatai: b'a ngkana a noraba ao a atatai, ao ane a na rairi nanoia ao a na kab'araki aia bure.”

Ruka 19:42

ao E taku: Ko bia ataia n te bong aei, kawai ake e na reke iai te rau! Ma a karabaaki ngkai mai matam.

M'akuri 28:27

b'a a matoatoa nanoia te botannaomata aei, ao a bonoti taningaia, ao a kamaki mataia; b'a a kaawa n te tai teuana n noraba ni mataia, ma n ongo n taningaia, ma n atatai n nanoia, ma n rairaki, ao N na kamaiuia.’ ”

M'akuri 3:19

Ma ngaia ae kam na raraoma, ao rairi nanomi b'a a aonga ni kamaunaki ami bure,

M'akuri 7:57

Ao a takarua te koraki arei n te b'anaa ae korakora, ao a bonoti taningaia ni baiia, ao a biri ni botaki ma te nano ae ti teuana n eweka aona;

2.Timoteo 4:4

Ane a na katannakoi taningaia man te koaua, ao a na ongora ni karaki nikawai aika oteaki.

Ebera 5:11

A bati ara taeka aika ti kan taekin i bukin te nakoa n ibonga aei ma a kanganga aroia ni kab'arab'araaki nako imi, i bukina ngkai kam aki kai oota iai.

Te Kaotioti 22:2

n ri nuukani kawain te kaawa. Ao n iteran te karaanga ake uoua bon iai kaai ni maiu, aika kariki uaaia teuana te tai ni katoa nam'akaina i nanon teuana te ririki; ao baanikaai akekei boni b'aini kamaiuaia botannaomata.