Mataio 12:45 - Te B'aib'ara

⁴⁵ Ao e nako ni kairiia itiman anti aika buakaka riki nako ina, ao a rin ao a maeka iai; ao e a buakaka riki aron te aomata arei nakon arona are rimoa. Ao ai aron naba ae na riki nakon te roro ae buakaka aei.”

Mataio 12:45 ပူးပေါင်းရင်းမြစ်များ

Nakoaia Ibonga 13:20

E na tuoa te ibonga, ao ngkana e taraa n nano riki te maneka nakon te kun are i tinanikuna ao a manga mainaina burae akana iai, ao e na katanoataa b'a e kam'araa. Bon aorakin te kun ae e kakamaaku ae e moana rikina man te kaboa.

Mataio 12:24

Ma ngke a ongo B'aritaio, ao a taku, “E kanakoia taimonio Teuaei ti ni m'aakan Beretebub'a are aia uea taimonio.”

Mataio 12:44

E iango ngkanne ao e taku, “N na okira au auti are I kitanna,” Ao ngke e roko iai, ao e noria b'a akea kaaina, ao e iakinaki, ao e baireaki raoi nanona.

Mataio 17:21

Ma a aki oti nako taimonio aika ai aron aei, ma ti n te tataro ma te aki-mamatam.

Mataio 23:15

A na reke kaimi, taani koroboki ma B'aritaio, aika taani m'am'ana-te-aba! B'a kam ri nanoni marawa ao kam ri aon te aba b'a kam na anaa nanon te aomata nakon ami koaua; ao ngkana e reke, ao kam karaoa ae e na reke iai uoua aron taun teuanne n riki b'a kaaini Keenna n ai aromi.

Mataio 23:24

Taani kairiri aika kam mataki! Kam raumea te manibeti, ao kam oonga te kamero.

Mareko 16:9

Ngke E a manga uti Iesu mai buakoia maate ni moani bongin te wiiki, ao E kaoti moa nakon Nei Maria are te I-M'aketara, are E a tia ni kaotinakoia mai rouna taimonio ake itiman.

Mareko 5:9

Ma ngaia are Iesu, E titirakinna ni kangai, “Antai aram?” E kaeka te aomata arei ao e taku, “Arau Rekeon-b'a a m'aiti ara koraki!”

Ruka 11:26

ao ngkanne, e nako ni kairiia itiman riki anti aika buakaka riki nako ina, ao a rin ni maeka ikekei; ao e a buakaka riki aron te aomata arei nakon are rimoa.

I-Ebeto 6:12

B'a ti aki buaka ma aomata, ma ti buaka ma uea, ma ake a korakora, ma taan tauu taekan aonnaba aika taan taua aron te roo aei, ma taian tamnei aika buakaka ake i aani karawa.

Ebera 10:39

Ma tiaki ngaira kaain te kerikaki nakon te mate, ma kaain te onimaki nakon te maiu.