Mataio 12:42 - Te B'aib'ara

⁴² Ane e na kaoti ueani maiaki te aine n te bongi ni motikitaeka ma kaain te roro aei, ao ane e na kabuakakaia; b'a e roko neierei man te tabo ae te kabanea n raroa b'a e na ongora n rabakaun Toromon, ao noria, iai ikai ae kakannato riki nakon Toromon.

Mataio 12:42 ပူးပေါင်းရင်းမြစ်များ

1.Uea 10:24

A bane aomata nako mani botan-aomata nako ni kan ongora n ana taeka n rabakau, ake E a tia n anganna te Atua.

1.Uea 3:12

Ma ngaia are, N na karikiko b'a te kabanea ni wanawana i buakoia aomata aika a tia ni maiu, ao aika a na maiu rimwi n te maiu aei.

1.Uea 3:28

Ao a bane ni mimi Iteraera n aron Toromon ni motikitaeka. Ao a uringa are E a tia te Atua n anganna te wanawana ni motikitaeka n ae eti raoi.

1.Uea 3:9

I butiiko, kawanawanaai ao reireiai b'a N na ataa te kaokoro i marenan te raoiroi ma te buakaka, b'a I aonga n ataa arou n tautaekaniia am Aomata ae e korakora aei.

1.Uea 4:29

E wanawana Toromon. E kakab'aia te Atua n anganna te rabakau ma te ataib'ai.

1.Uea 4:34

A ongo taekan rabakaun Toromon taiani uea n te aonnaba ao a kanakoi aia aomata b'a a na ongora n ana taeka n reirei.

1.Uea 5:12

E kaawakina ana Berita te UEA, ao E karika Toromon b'a te aomata ae e wanawana. A tiaaina te boraraoi Iram ma Toromon b'a e na akea te buaka imarenaia, ao e teimatoa n akea te bubuaka i marenaia.

Itaia 7:14

Ma e na bon teimatoa naba te UEA n anganingkami te b'ai ni kakoaua. E na bikoukou te ataeinaine E na bungiia natina te m'aane ao e na aranna b'a Emmanuera.

Mataio 12:41

Ane a na kaoti I-Ninewe n te bongi ni motikitaeka ma kaain te roro aei, ao ane a na kabuakakaia kaain te roro aei; b'a a rairi nanoia I-Ninewe n ana kab'arab'ara Iona; ao noria, iai ikai ae kakannato riki nakon Iona.

Mataio 12:6

Ma I taku nako imi, b'a bon iai ikai ae kakannato riki nakon te um'antabu.

Mataio 17:5

Ngke e tabe n taetae Betero, ao akea b'a e a kaoti naba te nang ae raneanea, ao e b'aka nuuna i aoia. E roko te b'ana man te nang ae kangai, “Natiu Teuaei ae tangiraki i Rou, ae I kakatonga i Rouna; kam na ongo i Rouna!”

Mataio 3:17

ao noria te b'ana mai karawa ae kangai, “Natiu aei ae tangiraki i Rou, ae I kakatonga i Rouna.”

Ioane 1:14

E riki n aomata te Taeka, ao E maeka i buakora. E on n te akoi ma te koaua, ao ti nora mimitongina, are mimitongina n arona b'a ti Ngaia Natin te Atua.

Ioane 1:18

Bon akea temanna ae e a tia n nora te Atua; te Nati are te rikitemanna, are memena i rarikin te Tama, boni Ngaia ae kaota raoi te Atua nakoia aomata.

Te Tua-Kaua 30:13

Ao kam aki kona ni kaangai, Ti na kanga n ongotaeka nakon ana Tua te UEA? Ao a mena i nanoni marawa, ti ngkana iai ae na nako n anai ma ni uoti rikaaki ma ni kab'arab'arai nakoira.