Mataio 12:39 - Te B'aib'ara

³⁹ Ma E kaekaia Iesu ao E taku, “A ukoukora te kanikina te roro ae buakaka ae aki ongotaeka nakon te Atua!” ma akea te kanikina ae a na anganaki, b'a ti te kanikina are te baere e riki nakon Iona are te burabeti.

Mataio 12:39 ပူးပေါင်းရင်းမြစ်များ

2.Uea 14:25

E karababaa tian Ierutarem Ieroboam mai Rebo Amata are i meang nakon Taari are Mate i maiaki, n aron are E a tia ni berita iai te UEA nakon ana toro are Iona are natin Amitai te m'aane, are bon te burabeti mai Kaata Ebera.

Itaia 57:3

Aomata ngkami aika kam aki kakaonimaki! Kam nako ia taani kaiwa ao kam taromauri bouannanti. Kakauongo raoi irou ngkai!

Iona 1:1

N te bong teuana ao E taetae te UEA nakon Iona are natin Amitai.

Mataio 16:4

A ukoukora te kanikina te roro ae buakaka ae aki ongotaeka nakon te Atua; ma akea te kanikina ae a na anganaki, b'a ti te kanikina are te baere riki nakon Iona are te burabeti.” Ao E kitaniia, ao E nako.

Mareko 8:12

Ma Iesu, E kaota nanona ae rotaki, ao E taku, “E aera ngkae a ukoukora te m'akuri ae kamimii te roro aei? E koaua ae I tuangngkami, b'a akea te b'ai ni kakoaua ae a na anganaki!”

Mareko 8:38

B'a ane mamaa i Rou ao n au taeka n te roro ae kakeaa te Atua, ae te roro ae buakaka aei, ao Natin te Aomata E na mamaa naba i rouna ngkana E roko ma mimitongin Tamana, ao raona anera ake a tabu.”

Iakobo 4:4

Ngkami aika kanga ainenum'a aika taani wene ni bure, kam aki ataia b'a te iraorao ma b'ain te maiu aei bon ribaan te Atua? Ma ngaia aei, b'a ane kan i raorao ma b'ain te maiu aei, ao e riki b'a ana kairiribai te Atua.