Mataio 12:35 - Te B'aib'ara

³⁵ E kaoti baika raraoi te aomata ae raoiroi man ana b'ai nako aika raraoi; ao e kaoti baika bubuaka te aomata ae buakaka man ana b'ai nako aika bubuaka.

Mataio 12:35 ပူးပေါင်းရင်းမြစ်များ

Iobi 8:10

Ma ngaia are, reireiniko i rouia aomata ake ngkoa, ao kakauongo nakon te b'ai ae a kataia n taekinna.

Taeka n Rabakau 12:6

Te reirei ae e buakaka bon te kainikab'aru ae e kamaamate, ma te reirei ae e raoiroi kaanga ai aron te otanga.

Taeka n Rabakau 15:23

E boni kakukureia aomata nako te anga te taeka n te tai ae e riai.

Taeka n Rabakau 15:28

A iango moa aomata aika a raoiroi i m'aain ae a kaeka, ma e taetae n akea ana iango ane e buakaka n taekin taeka aika a buakaka.

Taeka n Rabakau 15:4

Bon taian b'ainaoraki taeka aika a raoiroi, ma taeka ni kewe a konaa ni kaikoaka te aomata.

Mataio 12:34

Ngkami aika buniia naeta! A na kanga n raraoi ami taeka, ngkai kam buakaka? B'a e taetae te wii man onraken te nano.

Mataio 13:52

Ao E taku nako ia, “Ma ngaia aei, b'a te tia koroboki ae reireiaki b'ain Uean te Atua, ai aron te aomata ae iai ana auti, ao te aomata arei e kaotinakoi b'aai aika boou ma b'aai nikawai mani nen ana b'ai.”

Mataio 7:17

Ma ngaia ae kaai ni kabane aika maiu raoi, a kariki uaaia aika raraoi; ma kaai aika aki maiu raoi, a kariki uaaia aika bubuaka.

Ruka 6:45

E kaoti baika raraoi te aomata ae raoiroi mani b'ain nanona aika raraoi; ao e kaoti baika bubuaka te aomata ae buakaka mani b'ain nanona aika bubuaka. E taetae te wii man onraken te nano.

I-Ebeto 4:29

E na tai oti nako te taeka teuana ae kam'ara mai wiimi, ma e na oti nako te taeka ae e raoiroi ae na buokiia aomata ni kain nanoia, ao a na reke kab'aiaia iai akana ongo.

I-Korote 3:16

E na titiku ni maeka ana taeka Kristo i nanomi; ao kam na anenei taekan Taian Areru ma anene ma kuuna aika kam kairaki iai iroun te Tamnei; kam na anene nakon te Atua ma te nano ni katituaraoi.

I-Korote 4:6

A na tangiraoi ami taeka n taai nako, ma ni kakan ongora; ao kam riai n ata te kaeka ae riai nakon temanna ma temanna.