Mataio 12:27 - Te B'aib'ara

²⁷ Ao ngkana I kanakoia taimonio ni m'aakani Beretebub'a, ao natimi a kanakoia ni m'aakan antai? Ma ngaia are i bukin aei, ao a na riki natimi b'a taani motiki taekami.

Mataio 12:27 ပူးပေါင်းရင်းမြစ်များ

Mataio 10:25

E na rau nanon ane reireiaki ngkana e reke i rouna katotongan aron ana tia reirei, ao ai aron naba te toro ngkana e reke i rouna katotongan aron ana toka. Ngkana a atonga mataniwin te utu aomata b'a Beretebub'a, ao ai bati ra riki irouia atongaia kaain ana utu n aara aika bubuaka riki!

Mataio 4:24

E taona Turia ni kabuta rongorongon Iesu, ao a bane n uotaki nako Ina aomata aika aoraki n aekan aoraki nako ma maraki, ao akana taniaki irouia taimonio, ma akana iai aorakin aia iango, ma akana aki kona te nakonako; ao E kamaiuia.

Mataio 9:34

Ma a taku B'aritaio, “E kanakoia taimonio Iesu ni m'akan aia uea taimonio.”

Ruka 11:19

Ao ngkana I kanakoia taimonio irouni Beretebub'a, ao natimi a kanakoia iroun antai? Ma ngaia are i bukin aei, ao a na riki natimi b'a taani motiki taekami.

Ruka 19:22

Ao ngaia e taku nako ina, “Te toro ae ko buakaka!” “N na kabuakakako man am taeka akana nako mai wiim! Ko ataia b'a te aomata ngai ae I matoatoa b'a I kareke au b'ai mani mwin aia m'akuri aomata ao I boboti uaa n taabo aika I aki ununiki iai.

I-Rom 3:19

Ma ti ataia b'a b'aai ni kabane ake a koreaki taekaia n te Tua bon i bukiia te koraki ake a mena i aan te Tua, b'a a aonga n tukaki aomata nako b'a a na aki karaoi aia taeka aika a na reke aonaia iai, ao a na bane ni motikaki taekaia iroun te Atua.