Mataio 12:15 - Te B'aib'ara

¹⁵ Ao Iesu, ngke E ata are a iangoia B'aritaio, ao E kitana ikekei; ao a iria aomata aika rangi ni m'aiti, ao E kamaiuia ni kabane ake iai aorakiia,

Mataio 12:15 ပူးပေါင်းရင်းမြစ်များ

Mataio 10:23

Ngkana a b'ainikiriningkami aomata n te kawa teuana, ao kam na biri nakon te kawa are teuana; b'a e koaua ae I a tuangngkami, b'a a na aki bane n tia ami m'akuri i nanon aia kawa nako Iteraera i m'ain rokon Natin te Aomata.

Mataio 19:2

ao a iria aomata aika rangi ni m'aiti, ao E kamaiuia ake a aoraki.

Mareko 6:56

N taabo nako ake E roko iai Iesu, b'a kaawa ke taaun, ke n abaia taan ununiki, ao aomata a kaweneia aoraki n taabo ni m'aakete, ao a butiia Iesu b'a E na kariaia aoraki b'a a na riinga naba ti rabin ana kunnikai; ao ake a riingnga a kamaiuaki.

Ruka 5:22

Ngke E atai nanoia Iesu, ao E kaekaia ni kangai, “E aera ngkai kam titiraki i nanomi?

Ruka 6:12

Ni boong akekei, ao E nako Iesu nakon te maunga b'a E na tataro iai, ao E kangainaa n tataro nakon te Atua.

Ruka 9:11

Ngke a ataia aomata, ao a ri mwina; ao Ngaia, E butim'aia ao E taekinna nako ia taekan uean te Atua, ao E kamaiuia aomata ake a kainanoa te kani kamaiuaki.

Ioane 11:54

E aki manga m'am'ananga Iesu ni kaotiotia i mataia I-Iutaia, ma E kitana ikekei ao E nako n te aba are i rarikin te rereua, nakon te kaawa are arana Eberaim; ao E tiku iai ma ana reirei.

Ioane 7:1

I mwin arei ao E m'am'ananga Iesu i aoni Kariraia; E aki kona ni m'am'ananga i aon Iutaia i bukina ngke a kani kamatea I-Iutaia.

Ioane 9:4

E riai b'a ti na karaoi ana m'akuri Teuare kanakomaiai, ngkae e ngaina; e a kani bong, ao akea ae e kona ni m'akuri iai.

I-Karatia 6:9

Ma a na tai toki nanora ni kakaraoa ae e raoiroi, b'a ti a bon tai anai mwin ara m'akuri n te tai ae riai, ngkana a aki b'ara nanora.

1.Betero 2:21

B'a kam weteaki nako iai: b'a E kamarakaki naba Kristo i bukimi, ao E katuka nakoimi te aro ae kam na kakairi iai, b'a kam aonga n tou mwini m'anekana.