Mataio 12:14 - Te B'aib'ara

¹⁴ Ao a oti nako B'aritaio, ao a kabowiia aron Iesu b'a a na kanga ni kamatea.

Mataio 12:14 ပူးပေါင်းရင်းမြစ်များ

Mataio 26:4

ao a karekei aia iango b'a a na kam'anea n taua Iesu n te aro ni karaba, ao a na kamatea.

Mataio 27:1

Ngke e a tib'a ingabong, ao ibonga ake mataniwi ma aia unimm'aane aomata a iangoa aron Iesu b'a a na kamatea.

Mareko 14:1

Ai uoua te bong ngkai i m'ain tain te Toa are te Riao ao te Berena are aki Karikaki. A ukoukora aroni kam'anean Iesu ibonga ake a kakannato ma taani koroboki, b'a a na taua ni kamatea.

Mareko 3:6

Ao B'aritaio a kitana m'aneabaia I-Iutaia, ao a kabowi n te tai ae waekoa ma tem'angina aika kaain ana botaki Erote, b'a a na kareke iango i bukin tiringan Iesu.

Ruka 22:2

Ao mataniwiia ibonga ma taani koroboki, a ukoukora aroni kamatean Iesu n te aro ni karaba; b'a a makuia aomata.

Ruka 6:11

A rangi n un ao a iango i rouia b'a tera ae a na karaoia nakon Iesu.

Ioane 10:31

A manga anai atibu I-Iutaia b'a a na karebanaia.

Ioane 10:39

A manga kataia riki b'a a na taua Iesu ni kaburea, ma E aki reke i rouia.

Ioane 11:53

Ma ngaia are, man te bong arei, ao a iaiangoa aroni kamatean Iesu.

Ioane 11:57

A a tia ni kanakoa aia taeka aia mataniwi ibonga ma B'aritaio, b'a ngkana iai te aomata are ata te tabo are E mena iai Iesu, ao e na kaotia, b'a a aonga n taua Iesu.

Ioane 5:18

Ana taeka Iesu aikai, e a kakorakora riki kani kamateana irouia I-Iutaia: b'a E aki ti urua tuan te Taabati, ma E atonga te Atua b'a Tamana, ao n te aro aei E a karaoia iai b'a ti te bo Ngaia ma te Atua.

Ioane 7:30

A ukoukora te anga ae a na taua iai, ma akea temanna ae roko baina i aona, i bukina b'a e tuai ni bo ana tai are E na tauaki iai.

Ioane 7:32

A ongo taekan Iesu aikai B'aritaio n aia wirikiriki aomata, ma ngaia are i mwin reken aia iango ma ibonga ake mataniwi, ao a kanakoia bureitimanin te Tembora b'a a na taua Iesu ni kaburea.

Ioane 7:44

Iai tem'angina i buakoia aomata ake a bati aika kan taua Iesu, ma akea i rouia ae e roko baina i aona.

Ioane 8:59

Ma ngaia are, a anai atibu b'a a na karebanaia, ma E karabaa Iesu, ao E kitana te Tembora.