Mataio 11:23 - Te B'aib'ara

²³ Ao ngkami aika kaaini Kaberenaum, kam taku b'a kam na tabekaki rake nako karawa? Kam na teweaki nako nako Eriti! B'a ngke arona b'a a karaoaki i Totom m'akuri aika kamimii aika karaoaki i Kaberenaum, ao e na bon aki mauna ni karokoa te bong aei.

Mataio 11:23 ပူးပေါင်းရင်းမြစ်များ

Karikani B'aai 13:13

are te kaawa are a buakaka kaaina, are a bubure nakon te UEA.

B'aeb'aeti 2:1

E karokoa te rootongitong ae korakora te UEA i aon Tion i bukin unna. E onika mimitongina are b'aka mai karawa nakon te urubekebeke. E na bon aki rin naba n ana Tembora n te bong are E un iai.

Etekiera 26:20

ao e na uotingkami nako rikaaki nako abaia maate, ike kam na raoniia iai aomatan ngkoa ma kaawa ake a uruaki ngkoangkoa. Kam na tiku ikekei kam na aki manga riki b'a te kaawa ae e manga kaainaki irouia aomata

Etekiera 31:14

Bon akea riki te aroka tekaina ae na manga rikirake n rietaata n aron te aroka aei, e ngae ngke e korakora te ran n reke i rouna. A na bane ni mate aroka nako, n aroia naba aomata ngkai a mamate ma n ruorikaaki nakon aia aonnaba maate.

Etekiera 32:18

Etekiera ae natin te aomata, ko na tanginiwenei i bukiia kaain Aikubita ao kabuakakaia nakon aia aonnaba maate, ike a na taunaki iai i rarikiia aomata mani botannaomata ake tabeua ake a korakora.

Etekiera 32:24

“E mena ikekei Aram, ma ana tautia ni katobibia. A bane ni mate n te buaka, ao a b'aka rikaaki, n aki korotabonim'aneaki, nakon abaia maate. Ngke a mena ngkoa n te maiu a kabutanakoa te maaku, ma ngkai a wene ni mate ma ni kab'ainrangaki.

Ob'aria 1:4

E ngae ngke ko karaoa mwengam n taabo aika rietaata, n ai aron ngaon te ikare, n te aro are kaanga ko a mena i buakon itoi, ma N na bon katikiko naba rikaaki.

Mataio 10:15

E koaua ae I a tuangngkami b'a e bebete riki te rekenikai are na reke nakoia I-Totom ma I-Komora, n te bongi ni motikitaeka, nakon are na reke nako ia.

Mataio 16:18

Ao I taku nako im, b'a Betero ngkoe, ao N na katea au ekaretia i aon te b'aa aei; ao e na aki kona n ekianako m'aakan te mate.

Mataio 17:24

Ngke E roko Iesu ma ana reirei i Kaberenaum, ao a roko irouni Betero taan anaa te taekiti i bukin te um'antabu, ao a titirakinna ni kangai, “E kab'aka te taekiti ami tia reirei, ke E aki?”

Mataio 4:13

E kitana Natareta, ao E nako ni maeka i Kaberenaum are mena i rarikin te nama, n taabo ake abaia baronga ake Teburun ma Nabetari,

Mataio 8:5

Ngke E roko Iesu i Kaberenaum, ao e nako Ina mataniwin te taanga ni buaka ae tebubua m'aitini kaaina, ni butiia,

Ruka 10:15

Ao ngkoe, Kaberenaum, ko taku b'a ko na karineaki nako karawa? Ko na aki, ko na karinanoaki nako Eriti.

Ruka 14:11

B'a ane kakannatoa i bon i rouna, ao e na kamangoraki; ao ane kamangoria i bon i rouna, ao e na kakannatoaki.

Ruka 16:23

ao ni menana i Eriti, ngke e taonaki n te maraki ae korakora, ao e tararake; ao e nora Aberaam b'a e mena i kiraroa ma Rataro i rarikina.

Ruka 4:23

Ao E taku nako ia, Ane kam na bon tabeki nako Iu m'anewen te taeka n rabakau ae kangai, “Te tia katoki aoraki, kamaiuko.” Te baere ti ongo b'a Ko karaoia i Kaberenaum, ao Ko na karaoia naba ikai i abam.

M'akuri 2:27

B'a ane Ko na aki kitana aomatau ni koaua i Eriti, Ao Ko na aki anga rab'atan am toro ae kakaonimaki b'a e na mka n te ruanimate.

M'akuri 2:31

Ao Tawita e a kaman nora te baere E na karaoia te Atua, ma ngaia are e taekina manga-utin te Kristo: b'a E aki kaaki taekana i Eriti, ao E aki rotaki rab'atana n te mka.

Iuta 1:7

n ai aroia kaain Totom ma Komora ma kaawa ake i rarikiia, ngke a kitan aroia ake a katauaki iai n ai aroia anera akekei, ao a karaoi aaro ni kammaira aika bobuaka ma te iango; ao a riki b'a te b'ai n reirei nakoia aomata ni kabaneia, ngkai a reke kaiia n te ai ae m'aka are akea tokina.

Te Kaotioti 1:18

Teuare Maiu Ngai; I mate ngkoa, ao noria, I a manga uti n aki toki, ao bon iai irou kingin te mate ma kingin Eriti.

Te Kaotioti 11:8

Ao a na wene rab'ataia ni kawain te kaawa are ab'ab'aki ike E kamateaki iai aia Uea; ao aran te kaawa arei, ae te ara ni kabotau, bon Totom ma Aikubita.

Te Kaotioti 20:13

Ao marawa e anga maate ake i nanona; te Mate ma Eriti a anga naba maate ake i nanoia; ao a bane maate aikai ni motikaki taekaia ni kaeti ma baike a tia ni karaoi.

Te Kaotioti 6:8

Ao I taratara nako, ao noria, te aoti ae maii! Ao aran teuare toka i aona te Mate; ao e ririmwiaki iroun Eriti. A a anganaki te tauu taekani kaa m'akoron aonnaba, b'a a na kamateia aomata n te kabaang, ao n te rongo, ao n te aoraki ae kamamate, ao irouia manin aonnaba aika kaakang.