Mataio 11:21 - Te B'aib'ara

²¹ ao E kangai, “A na reke kaimi kaaini Koratin! A na reke kaimi kaaini Betetaita! B'a ngke arona b'a a tia ni karaoaki m'akuri aika kamimii i Turo ao i Titon, ake m'akuri ake a karaoaki i Koratin ao i Betetaita, ao kaain Turo ma Titon a na kamani karin i aoia kunnikai ake a b'ab'ainaki n tain te rawawata, ma ni kabiri mataia ni mannang b'a kaotan rairan nanoia.

Mataio 11:21 ပူးပေါင်းရင်းမြစ်များ

Iobi 42:6

Ma ngaia are, I mamaa ni b'aai ake I a tia n taekin, ao I raira nanou ma te rawawatau ao te nanomaraki ae korakora.

Ieremia 13:27

N na buuta kunnikaimi ma ni kabebekaningkami ao ni kamamaaingkami b'a a na nooringkami aomata nako. Kam a reke n te kabuanib'ai! Kam konaa ni karaoa ae e raoiroi ni manga taromauriai riki?

Ioera 3:4

E aera ngkai kam karaoa aei ngkami aika kaain Turo ao Titon? Kam kataia ni karokoingkami Irou? N na kabooa mwiin ae ko karaoia i m'aain ae ko ataa te b'ai ae e na riki.

Amota 1:9

E taku te UEA “A teimatoa ni kakaraoa te bure kain Turo, ao N na bon katuaaia i bukin aei. A uotiia nako botannaomata nakon te kataenikaiaki nako abaia I-Etom, ao aki kawakina te berita n iraorao are a tia ni karaoia i marenaia.

Mataio 11:22

Ma I taku nako imi, b'a e na bebete riki te rekenikai are e na reke nakoia I-Turo ma I-Titon nakon are e na reke nako imi n te bongi ni motikitaeka.

Mataio 15:21

Ao E kitana ikekei Iesu, ao E nako n aaba ake i rarikin Turo ma Titon.

Mataio 18:7

E na reke kain te aonnaba i bukini b'aai ni kab'akab'aka nakon te bure. B'a e riai b'a a na roko kariri, ma e na reke kain te aomata are karokoi kariri!

Mataio 26:24

E ira nanon taekana Natin te Aomata n ai aron are e koreaki i bukina; ma e na reke kain te aomata are kam'anea Natin te Aomata! E raoiroi riki iroun te aomata anne ngke tao e aki bungiaki.”

Mareko 3:8

ao man te tabo are i mainikun te Ioretan, ao man taabo ake a katobibi kaawa ake Turo ma Titon. A roko aomata aikai nakon Iesu b'a a tia n ongo taekani b'aai ake E kakaraoi.

Mareko 6:45

Ao ngkekei naba, iai ana m'akuri Iesu are E karaoia are e a karika iai tokaia ana reirei i aon te booti, ao a nako n ri moana nako Betetaita; ao Ngaia, E kaokiia nako aomata.

Mareko 7:24

E kitana te tabo arei Iesu, ao E nako n te tabo ae kaani ma te kawa ae Tuuro E rin i nanon te auti teuana, ao E aki tangira temanna b'a e na ataia ae E mena ikekei; ma E aki kona n ae E na raba.

Mareko 7:31

Ao Iesu E kitan taabo ake i rarikin Tuuro, ao E toua kawain te kawa are Titon, ao E ri nukan Tekabori nako namani Kariraia.

Mareko 8:22

A roko i Betetaita, ao iai aomata ake a kaira temanna ae mataki nakon Iesu, ao a butiia Iesu b'a E na riingnga.

Ruka 4:26

ao e kanakoaki Eria tiaki nako ia ni kabaneia ma ti nakon te aine are e mate buuna are maeka i Tareb'ata n te aba are Titon.

Ruka 6:17

Ao E ruo Iesu man te maunga ma uake tengauni ma uoman ao E tei n te tabo ae aoraoi ni botaki ma ana reirei aika rangi ni m'aiti ao aomata aika bati ake a roko mai Iutaia ao Ierutarem ao man taabo ake i rarikin taari i Tuuro ao i Titon. A roko b'a a na ongora iroun Iesu ao a na kamaiuaki man aorakiia;

Ruka 9:10

Ngke a oki taan tuatua, ao a tuanga Iesu taekani baike a tia ni karaoi. Ao E kairiia ni kaokoroia nakon te kawa are arana Betetaita.

Ioane 1:44

(Biribo boni kaaini Betetaita, ae aia kaawa naba Anterea ma Betero.)

Ioane 12:21

A nako ngkanne nakoni Biribo, are kaaini Betetaita are i Kariraia, ao a tuangnga ni kaangai, “Teuaei, ti kan nora Iesu.”

M'akuri 12:20

E rangi n un Erote irouia I-Turo ma I-Titon; ma ngaia are a botiia aia koraki ao a nako ni kawara Erote. A anaa moa nanoni Berateto nakon aia iango; e mena i rouna mwiokon ana tabo ni maeka te uea. Ao a nako ngkanne nakon te uea ni butiia reken te raoi: b'a a karerekei am'arake i bukin abaia man aban te uea.

M'akuri 27:3

N te bong are i mwina ao ti roko i Titon. E nano n akoi Iurio nakoni B'auro, b'a e kariaia nakona nakoia raoraona i bukini buokana n te bae e kainanoia.

Iuta 1:11

A na reke kaiia! B'a a karaoa te baere e karaoia Kain, ao a kataua karaoan te kaairua are e karaoia B'araam i bukini kani karekeani boon aia m'akuri. A rawa ni kan tautaekanaki n ai aroni Kora, ao a mate.

Te Kaotioti 11:3

Ao N na karekea aia tai au tia kakoaua ake uoman b'a a na taetae ni burabeti, ao a na taetae ni burabeti i nanon tengaa ao uabubua ma onongaun te bong, ao a na kunnikaiia n te kunnikai ae mangaingai.”

Te Kaotioti 6:12

Ao I mataku ngke E kaaki te b'ai ni kanim are te kanikina are te kaonoua, ao noria, m'aeiein te aba, ae te m'aiei ae korakora! Ao e riki n roro taai, kanga ai aron te kunnikai ae mangaingai ae roro, ao matan nam'akaina ae b'anin e riki n ai aron te raraa taraana;