Mataio 11:18 - Te B'aib'ara

¹⁸ B'a e roko Ioane n aki am'am'arake ma n aki momooi, ao a kangai aomata, Iai i rouna te taimonio.”

Mataio 11:18 ပူးပေါင်းရင်းမြစ်များ

2.Uea 9:11

E okirikaaki Ieu nakoia ana mataniwi, ao e titirakinna temanna ao e taku, “Tera ae e tangiria te burabeti are e baba arei? Iai te kaangaanga?” E kaeka Ieu ao e taku, “Kam bon ataia ao kam ataa naba aron taetaena.”

Ieremia 15:17

I aki kaei bootaki ni kukurei ni kakukureiai iai. Ma I kaawakinai, i bukina ngke Ko a tia ni kaonai n unim.

Ieremia 29:26

I mwiin maten Ieoiata are te ibonga, E rineiko te UEA b'a ko na riki b'a te ibonga are e tararuaia te taanga ni bureitiman i bukin te Tembora. Ko ataia aomata b'a akana a boni baba ma ni bakaaea te riki ni burabeti a riai ni katikaki ma ni kabaeaki n taian tiein ao biiti are kabaean te roroa.

Otea 9:7

Iteraera, e a roko te tai. E na bon okiriko te b'ai are ko bon kaantaningaia, ao ko bon ataia. Ko taku, “A nanobaba burabeti, ao a rangirang ana tia uarongorongo te Atua.” E a tia am kaairua ae e kakamaaku ni kaoniko n te riribai.

Mataio 10:25

E na rau nanon ane reireiaki ngkana e reke i rouna katotongan aron ana tia reirei, ao ai aron naba te toro ngkana e reke i rouna katotongan aron ana toka. Ngkana a atonga mataniwin te utu aomata b'a Beretebub'a, ao ai bati ra riki irouia atongaia kaain ana utu n aara aika bubuaka riki!

Mataio 11:17

‘Ti katangitang nako imi, ao kam aki b'atere; ti tanginiwenei ao kam aki tang!’

Mataio 3:4

E kunnikaia Ioane ni buraen te kamero; ao e b'aina te roo ae te kau b'a kabaean nuukana; ao kanana rokati ma aia karewe manibeeru.

Mataio 9:34

Ma a taku B'aritaio, “E kanakoia taimonio Iesu ni m'akan aia uea taimonio.”

Mareko 3:22

Iai taani koroboki ake a roko mai Ierutarem ake a kangai, “E taniaki irouni Beretebub'a, ao E kanakoia taimonio ni m'aakan aia mataniwi taimonio.”

Ruka 1:15

b'a ane e na kakannato i matan te Uea, ao e na aki nima te wain ae kamanging ke mooi aika matoatoa, ao e na kaonaki n te Tamnei are Raoiroi, man te tai are e mena iai i nanon biroton tinana.

Ioane 10:20

A m'aiti aomata i buakon te koraki arei ake a kaangai, “Iai i rouna te taimonio, ao e rangirang; kam aera ngkai kam ongora i rouna?”

Ioane 7:20

A kaeka aomata ao a taku, “Iai iroum te burababa; antai ae ukoukora kamateam?”

Ioane 8:48

A kaeka I-Iutaia ao a taku nakon Iesu, “Tiaki b'a e eti ara taeka ngke ti taku b'a te I-Tamaria Ngkoe, ao iai iroum te taimonio?”

Ioane 8:52

A taku I-Iutaia nakoina, “Ti a ataia raoi ngkai b'a iai iroum te taimonio! E mate Aberaam, ao a mate naba burabeti; ao Ngkoe ko kaangai, Ane ongeaba nakon au taeka, ao e na bon aki mate.

M'akuri 26:24

Ngke e taetae B'auro ni kaitarai taekani bukinana n te aro arei, ao e takarua Beteto ao e taku, “B'auro, ko rangirang! E karangirangko mwin am wareware ni booki aika bati.”

1.I-Korinto 9:27

ma I kataneiaa rab'atau n te aro b'a e aonga ni matoatoa, ao I taua taekan arou b'a kanga te toro, b'a e kawa n aki reke arou i mwin tataekinan te euangkerio nakoia tem'angina.