Mataio 11:17 - Te B'aib'ara

¹⁷ ‘Ti katangitang nako imi, ao kam aki b'atere; ti tanginiwenei ao kam aki tang!’

Mataio 11:17 ပူးပေါင်းရင်းမြစ်များ

Karikani B'aai 50:10

Ao ngke a roko n te tabo n oro uita n te tabo are Atata are i mainikun te Ioretan, ao a tang n takaarua n te tai ae maan, ao e a karaoa ana am'arake n taoatama Ioteb'a i nanon itiua te bong.

1.Uea 1:40

Ao a katangi taiani kaib'ab'aa, ao a kukurei ngke a riri mwiin Toromon n okira Ierutarem. E bon rangi ni korakora karongoaaia n te aro are e a ruru aontano.

Itaia 30:29

Ane a na anene ana Aomata te UEA n aron are a karaoia ngke a kauringa te Riao n te tairiki. Te UEA bon ana b'aa ae e korakora Iteraera, ao ane a na kukurei ana Aomata n aroia ngkoa ngke a ira tangin te kaib'ab'aa nakon te Maunga ike e taromauriaki iai.

Ieremia 31:4

Kam rangi ni kakaawaki irou, ai ngaia are, N na manga katea ami botannaomata. Kam na manga b'ab'atere ni kukurei ma ni katangitang n taian timbere.

Mataio 11:16

“Ma tera ae N na kabotauia iai aomata n te roro aei ma ngaia? Ti te bo ma ataei ngaiia ake a tekateka n taabo ni m'akete ao a weweteia raoia n takakaro, ao a kangai,

Mataio 11:18

B'a e roko Ioane n aki am'am'arake ma n aki momooi, ao a kangai aomata, Iai i rouna te taimonio.”

Mataio 9:15

E taku Iesu nako ia: A kona n nanokawaki aomata ake a kaoaki b'a iruwa nakon te mare, ngkae e raoniia te tia iein? Ane a na roko boong, ane e na uotaki nako iai te tia iein mai rouia, ao anne ngkanne aia tai n aki mamatam.

Mataio 9:23

Ngke E roko Iesu n ana auti te tia tau-taeka, ao E noriia taani katangitang i bukin te mate, ma aomata b'a a tanginiwenei,

Ruka 15:25

Ao natina are te karimoa, e mena i abaia i marenaua b'a e m'akuri; ao ngke e oki, ngke e kaan ma te auti, ao e ongo tangin te katangitang ma karongoaan te takakaro.

Ruka 23:27

A iria aomata aika bati, ao iai naba aine i buakoia ake a tang ma ni b'aeb'aeti i bukina.

Ruka 7:32

Ti te bo ngaiia ma ataei ake a tekateka n te tabo ni m'akete ao a wewete temanna nakon temanna ni kangai, “Ti katangitang nako imi, ao kam aki b'atere! ti tanginiwenei, ao kam aki tang!”

Ruka 8:52

Ao a bane n tang ao a tanginiwenei; ma E taku Iesu nako ia, “Tai tang, b'a e aki mate te teei ma e matu.”