Mataio 10:40 - Te B'aib'ara

⁴⁰ Ane m'aneingkami n akoingkami, ao e m'aneai n akoai; ao ane m'aneai n akoai, ao e m'anea n akoa Teuare kanakoai.

Mataio 10:40 ပူးပေါင်းရင်းမြစ်များ

1.Uea 18:4

Bon Ob'aria are e karabaia 100 Ana burabeti te UEA n taian nangananga ni b'a ake uoua ao e kakarekei kanaia ma nimaia ngke e kataia Nei Ietebera n tiringiia. Ao e kanaanako wetean Ob'aria te uea are Aaba

Ieremia 39:17

Ma N na kaawakiningkami Ngai ae te UEA, ao kam na aki uotaki nako ia aika kam maakuia.

Mataio 18:5

Ane m'anea n akoa te teei ae ai aron aei, n arau, ao e m'aneai n akoai.

Mataio 25:40

Ao E na kaekaia te Uea ni kangai, “E koaua ae I a tuangngkami, b'a are kam karaoia nakon temanna ae mangori riki i buakoia tariu aikai, ao kam karaoia naba nako Iu.”

Mataio 25:45

Ao Ngaia E na kangai nako ia, “E koaua ae I a tuangngkami, b'a ngke kam aki karaoi baikai nakon temanna ae mangori riki i buakoia aikai, ao kam aki karaoi naba nako Iu.”

Mareko 9:37

“Ane m'anea n akoa te teei temanna mai buakoia ataei aikai i nanon Arau, ao e m'aneai n akoai; ao ane m'aneai n akoai, ao e aki m'aneai n ti Ngai, ma e m'anea n akoa naba Teuare kanakomaiai.”

Ruka 10:16

“Ane ongo i roumi, ao e ongo naba i Rou; ao ane e ribaingkami, ao e ribaai naba; ao ane ribaai, ao e ribaa naba Teuare E kanakomaiai.”

Ruka 9:48

ao E taku nako ia, “Ane m'anea te teei aei n akoia i nanon arau, ao e m'aneai n akoai naba; ao ane m'aneai n akoai, ao e m'anea Teuare kanakomaiai; b'a ane mangori riki i buakomi, ao ngaia ane kakannato riki.”

Ioane 13:20

Bon te koaua ni koaua ae I a tuangngkami, b'a ane m'anea n akoa ane I kanakoa, ao e m'aneai n akoai; ao ane m'aneai n akoai, ao e m'anea n akoa naba Teuare kanakomaiai.”

Ioane 20:21

E a manga taku ngkanne Iesu nakoia, “E na mena te rau iroumi. I kanakoingkami n ai aron Tamau ngke E kanakomaiai.”

Ioane 5:23

b'a a aonga ni bane aomata nako ni karinea te Nati, n ai aroia ngkai a karinea te Tama. Ane aki karinea te Nati, ao e aki karinea naba te Tama are kanakomaia.”

2.I-Korinto 5:20

Ma ngaia ae taan taetae ngaira i bukini Kristo, ao kanga E taetae ni bubuti te Atua i roura: ti butingkami i bukini Kristo, b'a kam na raoi ma te Atua.

I-Karatia 4:14

E riki mamarau b'a te kangaanga nakoimi, ma kam aki kaota ae kam kakeaa bongana ke kam ribaia; ma kam m'aneai n akoai b'a kanga ai aron ana anera te Atua ngai, ao b'a kanga ai aroni Kristo Iesu.

1.I-Tetaronike 4:8

Ma ngaia are te aomata ae rawa nakon te taeka n reirei aei, ao e aki rawa nakon te aomata, ma e rawa nakon te Atua, are anganingkami Tamneina are Raoiroi.

2.Ioane 1:9

Ane aki toua mwin ana taeka n reirei Iesu ma e kitanna n tan nako, ao akea te Atua i rouna; ane toua mwin ana reirei, ao bon iai i rouna te Tama ma te Nati.