Mataio 10:33 - Te B'aib'ara

³³ Ma ane kakeaai i mataia aomata, ao Ngai I a manga kakeaa naba i matan Tamau are i karawa.

Mataio 10:33 ပူးပေါင်းရင်းမြစ်များ

Itaia 59:13

Ti a tia ni kaaitarako ma n rawa n iriko. A iango n aonikai nanora, ngaia are ti b'anga ni kewe iai; ti babaairea aron kabuakakaia tem'aangina ao ti rairaki nako mai roum.

Mareko 14:30

E taku Iesu nakon Betero, “E koaua ae I a tuangko b'a n te tairiki naba aei, ao ane ko na katenua kakeaau i m'aini kauouan tangin te moa.”

Mareko 14:72

Ao e a manga tangi naba te moa. Ao Betero, e uring ana taeka Iesu ngke E kangai nako ina, “Ane ko na katenua kakeaau ngkana e tuai ni kauoua tangina te moa.” Ao ngke e uringnga, ao e tang.

Mareko 8:38

B'a ane mamaa i Rou ao n au taeka n te roro ae kakeaa te Atua, ae te roro ae buakaka aei, ao Natin te Aomata E na mamaa naba i rouna ngkana E roko ma mimitongin Tamana, ao raona anera ake a tabu.”

Ruka 12:9

ma ane kakeaai i mataia aomata, ao e na kakeaaki i mataia ana anera te Atua.

Ruka 22:57

Ma e kakewea Betero, ao e taku, “Neiko, I aki kinaa!”

Ruka 9:26

B'a ane mamaa i Rou ao n au taeka, ao E na mamaa naba i rouna Natin te Aomata ngkana E roko ma mimitongina ao mimitongin te Tama ma anera ake a raoiroi.

2.Timoteo 2:12

Ngkana ti taotaon nanora, ao ti na uaia n tautaeka ma Ngaia; Ngkana ti kakeaa, ao E na manga kakeaira naba;

2.Betero 2:1

Ma bon iai burabeti ni kewe i buakoia aomata ngkekei, ao ai bon arona naba b'a a na iai i buakomi taan reirei ni kewe, aika a na kaoti n te aro ni karaba ao ana uoti taiani koaua aika kairua aika na urua te onimaki, ao a na kakeaa te Toka are kainaomataia; ao n te aro aei a na karoko mateia iai ni waekoa.

1.Ioane 2:23

Ane kakeaa te Nati, ao akea te Tama i rouna; ane kaota onimakinan te Nati i rouna, ao bon iai naba te Tama i rouna.