Mataio 10:32 - Te B'aib'ara

³² Ma ngaia aei, b'a ane kaotia i mataia aomata b'a raona Ngai, ao Ngai I a manga kaotia i matan Tamau are i karawa b'a raou ngaia.

Mataio 10:32 ပူးပေါင်းရင်းမြစ်များ

Taian Areru 119:46

N na tataekin am Taeka nakoia uea, Ao N na aki mamaa iai.

Mataio 25:34

Ao ane E na kangai te Uea nakoia ake i angaataina, “Nako mai ngkami akana kam kakab'aiaki iroun Tamau; kam na b'aina Uean te Atua are a tia ni katauraoaki i bukimi mani moani karikan aonnaba:

Ruka 15:10

I taku nako imi, “B'a ai arona naba b'a e na iai te kim'areirei irouia ana anera te Atua i bukin te aomata ae buakaka ae ti temanna ae raira nanona.”

Ioane 9:22

A atonga aei ana karo b'a a makuia I-Iutaia, i bukin are a tia ni kabo nanoia n taku b'a te aomata ane atonga Iesu b'a te Kristo, ao a na tukiia b'a e na aki manga roko ni m'aneabaia I-Iutaia.

2.Timoteo 1:8

Ko na tai mamaa n taekina taekan ara Uea, ao ko na tai mamaa naba i rou, ngai ae I kabureaki i bukini Kristo; ma ko na buokanib'ai ma ngai ni maraki i bukin te euangkerio, ni m'aakan te Atua;

1.Ioane 4:15

Ane kaotia n ana taeka b'a e onimakina Iesu b'a bon Natin te Atua, ao E nim te Atua ma ngaia, ao ngaia e nim ma te Atua.

Te Kaotioti 2:13

I ata ike ko mena iai, ike e mena iai ana kaintokanuea Tatan: ko kakaonimaki nako iu, ao ko aki kaaki arom n onimakinai n te tai are e kamateaki iai Antib'ati are au tia kaotioti are kakaonimaki, are kamateaki i buakomi, ike e maeka iai Tatan.

Te Kaotioti 3:5

Ane tokanikai ao e na kunnikaia ni kunnikai aika mainaina; ao N na bon aki kamaunaa arana man te boki ni maiu arei, ao N na kaotia b'a bon au aomata i matan Tamau ao i mataia ana anera.

1.Tamuera 2:30

Bon te UEA Ngai ae Atuaia Iteraera. I berita b'a n na teimatoa ni kariaia ami utu b'a a na m'akuri b'a ibonga, ma I tuangkami ngkai b'a bon akea riki te b'ai teuana ae I kona ni manga karaoia! I karineia aomata aika a karineai, ma I kamaraiaia akana a ribaai.