Mataio 10:26 - Te B'aib'ara

²⁶ Ma ngaia ae kam na tai makuia; b'a akea te bae rabunaki ae na aki kaotaki, ao ae karabaki ae na aki ataaki.

Mataio 10:26 ပူးပေါင်းရင်းမြစ်များ

Taeka n Rabakau 10:9

Kam na maiu ngkana kam kaakaraoa ae e raoiroi n taai nako ma kam na reke, ngkana e aki raoiroi maium.

Taeka n Rabakau 28:1

A biri nako aomata aika a buakaka ngkana bon akea ae e kakioia, ma a ninikoria kaanga te raian aomata akana a eti maiuia.

Taeka n Rabakau 29:25

Ko na tai b'aka nako nanon te b'ai ni kam'ane i bukin kibiubium onimakina te UEA, ao ko na maiu.

Te Minita 12:14

Te Atua, E na motikitaekan b'aai nako aika ti karaoi, e ngae ngkana ti karaoa te b'ai teuana ni karabaa, te b'ai ae e raoiroi ke ae e buakaka.

Itaia 41:10

Ko na aki maaku. Bon raou ngkoe. Ko na aki ruru ni maaku. Bon Atuam Ngai. N na kakorakorako, ngkana I kamanoko ni baiu ma n anganiko taian tokanikai.

Itaia 41:14

Kaain Iteraera kam na aki raraoma, ngkana a kaangai tem'angina, Bon ti te m'ata Iteraera!” Bon Atuan Iteraera ae e tabu Ngai, ae E kamaiuko ma ni kaawakiniko.

Ieremia 1:8

I berita b'a N na mena iroum ao ni kaawakiniko, ma ngaia are, ko na aki maaku.”

Etekiera 2:6

Ko na aki maaku irouia ke ni b'aai akana a taekin. Ane ko na taku b'a ko a mena i nuukan aroka aika a kateketeke ke i buakon taian tikaobian. Ma ko na ninikoria

Mataio 10:28

Kam na aki makuia akana kamatea te rab'ata b'a a aki kona ni kamatea te aomata ni koaua ane i nanon te rab'ata; ma kam na maka Teuare kona ni kamatea i Keenna te rab'ata ma te aomata ni koaua ane i nanon te rab'ata.

Mareko 4:22

B'a te b'ai ae karabaaki ane e na kaotaki, ao ane e rabunaki e na kanakoaki rabunana.

Ruka 24:47

ao b'a e na tataekinaki rairan te nano ma kab'araani buure n arana i buakoia botannaomata ni kabaneia, ni moa n taekinaki mai Ierutarem.

Ruka 8:17

B'a akea ae raba ae na aki kaotaki; ao akea ae karabaki ae na aki ataaki ao e na aki oti.

M'akuri 1:8

Ma ane kam na anganaki te m'aaka, ngkana E roko te Tamnei are Raoiroi i aomi; ao ane kam na riki b'a taan tataekinai nakoia aomata i Ierutarem ao n taabo nako i Iuta, ao i Taamaria, ao i aonnaba ni kabuta.”

M'akuri 4:13

A mimi te koraki arei ngke a nora aroni Betero ma Ioane n ninikoria, ao ngke a ataiia b'a aomata n aki reireiaki. A ataiia ngkanne b'a a memena iroun Iesu ngkoa.

M'akuri 4:19

Ma e kaekaia Betero ma Ioane ni kaangai, “Kam na karekei ami iango b'a e nga ae e raoiroi riki i matan te Atua: iran nanomi ke iran nanon te Atua;

1.I-Korinto 4:5

Ma ngaia ae kam na tai motika taekan te aomata i m'ain taina raoi, are tain rokon te UEA, are E na kaoti b'ain te roo aika raba, ao E na kaoti naba iango aika raba i nanoia aomata. Ao ngkanne ane a na anganaki aomata nako kamoamoaaia mairoun te Atua.

1.Betero 3:14

Ma ngkana kam boni maraki i bukini karaoan nanon te Atua, ao kam a kab'aia. Kam na tai makuia, ao a na tai kakiriweaki nanomi.