Mataio 10:25 - Te B'aib'ara

²⁵ E na rau nanon ane reireiaki ngkana e reke i rouna katotongan aron ana tia reirei, ao ai aron naba te toro ngkana e reke i rouna katotongan aron ana toka. Ngkana a atonga mataniwin te utu aomata b'a Beretebub'a, ao ai bati ra riki irouia atongaia kaain ana utu n aara aika bubuaka riki!

Mataio 10:25 ပူးပေါင်းရင်းမြစ်များ

2.Uea 1:2

natin aia uea te m'aane are te uea are Aatia, kaain te aba are Moaaba. Ao n te bong teuana, ao e a b'aka te uea are Aatia i nanon kaai aika a irariki are e katobibiaki ana buia iai i taubukin ana bareti are i Tamaria, ao a rangi ni korakora ikoakina. Ma ngaia are, e a kanakoia ana tia uarongorongo nakon te kaawa are Ekiron ma ana titiraki nakon te anti are Baretebub'a b'a e na kona ni marurung man aorakina ke e na aki.

Mataio 12:24

Ma ngke a ongo B'aritaio, ao a taku, “E kanakoia taimonio Teuaei ti ni m'aakan Beretebub'a are aia uea taimonio.”

Mataio 12:27

Ao ngkana I kanakoia taimonio ni m'aakani Beretebub'a, ao natimi a kanakoia ni m'aakan antai? Ma ngaia are i bukin aei, ao a na riki natimi b'a taani motiki taekami.

Mataio 9:34

Ma a taku B'aritaio, “E kanakoia taimonio Iesu ni m'akan aia uea taimonio.”

Mareko 10:39

A kaeka ao a taku, “Ti kona.” E taku Iesu nako ia, “Kam kona ni moi n te m'angko ae I moi iai; ao kam kona ni b'abetitoaki n te b'abetito ae I b'abetitoaki iai,

Mareko 3:22

Iai taani koroboki ake a roko mai Ierutarem ake a kangai, “E taniaki irouni Beretebub'a, ao E kanakoia taimonio ni m'aakan aia mataniwi taimonio.”

Ruka 11:15

Ma a taku tem'angina i buakoia, “E kanakoia taimonio iroun Beretebub'a, are aia uea taimonio!”

Ruka 11:18

Ao ngkana e a manga bon eekiianako Tatan i bon i rouna, ao e na kanga n tei ueana? I taekina aei i bukin ae kam taku b'a I kanakoia taimonio irouni Beretebub'a.

Ruka 11:19

Ao ngkana I kanakoia taimonio irouni Beretebub'a, ao natimi a kanakoia iroun antai? Ma ngaia are i bukin aei, ao a na riki natimi b'a taani motiki taekami.

Ioane 10:20

A m'aiti aomata i buakon te koraki arei ake a kaangai, “Iai i rouna te taimonio, ao e rangirang; kam aera ngkai kam ongora i rouna?”

Ioane 7:20

A kaeka aomata ao a taku, “Iai iroum te burababa; antai ae ukoukora kamateam?”

Ioane 8:48

A kaeka I-Iutaia ao a taku nakon Iesu, “Tiaki b'a e eti ara taeka ngke ti taku b'a te I-Tamaria Ngkoe, ao iai iroum te taimonio?”

Ioane 8:52

A taku I-Iutaia nakoina, “Ti a ataia raoi ngkai b'a iai iroum te taimonio! E mate Aberaam, ao a mate naba burabeti; ao Ngkoe ko kaangai, Ane ongeaba nakon au taeka, ao e na bon aki mate.