Mataio 10:24 - Te B'aib'ara

²⁴ E aki kakannato riki ane reireiaki nakon ana tia reirei, ke te toro nakon ana toka.

Mataio 10:24 ပူးပေါင်းရင်းမြစ်များ

2.Tamuera 11:11

Ao e kaeka Uria ni kaangai, “E mena te Atiniberita ma ana taanga ni buaka Iteraera ma Iuta i nanon taian tawaana, n reitaki ma ara kam'anta are Ioaba ma ana aobitia ao ana taanga ni buaka. Ko bon iangoia b'a I riai ni kawara mwengau n am'arake ke ni mooi ao ni matu ma buu? I tuea i bon irou b'a N na aki karaoa anne!”

Mataio 10:25

E na rau nanon ane reireiaki ngkana e reke i rouna katotongan aron ana tia reirei, ao ai aron naba te toro ngkana e reke i rouna katotongan aron ana toka. Ngkana a atonga mataniwin te utu aomata b'a Beretebub'a, ao ai bati ra riki irouia atongaia kaain ana utu n aara aika bubuaka riki!

Ruka 6:40

E aki kakannato riki are reireiaki i aon ana tia reirei, ma ngkana a bane n reireiaki raoi aomata ao ane a na katotonga aron aia tia reirei.

Ioane 13:16

Bon te koaua ni koaua ae I a tuangngkami, b'a e aki kakannato riki te toro nakon ana mataniwi; ao e aki kakannato riki ane kanakoaki nakon ane kanakoa.

Ioane 15:20

Kam na uringa te taeka are I atongnga nakoimi are kaangai, ‘E aki kakannato riki te toro nakon ana uea.’ Ngke a b'ainikirinai, ao a na boni b'ainikiriningkami naba; ngke a ongeaba nakon au taeka, ao a na bon ongeaba naba nakon ami taeka.