Mataio 10:23 - Te B'aib'ara

²³ Ngkana a b'ainikiriningkami aomata n te kawa teuana, ao kam na biri nakon te kawa are teuana; b'a e koaua ae I a tuangngkami, b'a a na aki bane n tia ami m'akuri i nanon aia kawa nako Iteraera i m'ain rokon Natin te Aomata.

Mataio 10:23 ပူးပေါင်းရင်းမြစ်များ

Ieremia 26:21

Ao ngke a ongo te uea are Ieoiakim ma ana tautia ma ana mataniwi ana taeka Uria, ao e iangoia te uea b'a e na tiringaki. Ma e ongo Uria, ao e biri nako Aikubita.

Mataio 16:27

B'a ane E na nakomai Natin te aomata ma ana anera i nanoni mimitongin Tamana; ao ane E na angania aomata ni kabaneia booni mwin aia m'akuri.

Mataio 16:28

E koaua ae I a tuangngkami b'a a na aki mate tabem'aang i buakoia aika tei ikai, ngkana a tuai n nora Natin te Aomata ngkana E nako mai ma ueana.”

Mataio 2:13

Ao i mwina ngke a tia n nako, ao noria, e kaoti ana anera te Atua nakon Ioteb'a n te mii, ao e taku, “Tei rake ao kaira te merimeri ma tinana ni biri nako Aikubita, ao mena iai ni karokoa tuangam i Rou; b'a ane e na ukoukora te merimeri Erote b'a e na kamatea.”

Mataio 23:34

Ma ngaia ae N na kanakoia burabeti, ma aomata aika rabakau, ma taani koroboki nako imi: ao ane kam na kamateia tem'angina, ao kam na tauriia tem'angina ni kaibangaki; ao ane kam na kataereia tem'angina i nanoni m'aneabami, ao kam na kakioia nako man te kawa teuana nakon te kawa teuana.

Mataio 23:36

E koaua ae I a tuangngkami b'a a na bane n roko baikai i aon te roro aei.

Mataio 24:27

B'a aron te iti ngkana e iti mai mainiku, ma n oota ni wairio, ao ai aron naba rokon Natin te Aomata.

Mataio 24:30

Ao ane na kaoti kanikinaean Natin te Aomata i karawa, ao ane a na bane n tang kaain aonnaba, ao a na nora Natin te Aomata b'a E nako mai aon nangini karawa ma te m'aaka ao te mimitong ae bati;

Mataio 24:34

E koaua ae I a tuangngkami b'a a na bane n riki baikai i m'aini mateia aomata nako aika maiu ngkai.

Mataio 24:48

Ma ngkana te toro ae buakaka ngaia, ao ane na kangai i nanona, E waeremwe n roko au toka;

Mataio 25:13

Ma ngaia ae kam na tantani, b'a kam aki ata te bong ke te aoa arei.

Mataio 26:64

E taku Iesu nako ina, “Ngaia ane ko taku. Ma I tuangngkami b'a ane kam na nora Natin te Aomata ni moa man te tai aei b'a E tekateka i angatain Teuare M'aka, ao b'a E nako mai i aon nangini karawa!”

Mataio 4:12

Ngke E ongo Iesu b'a e a tia n tauaki Ioane b'a te bure, ao E nako Kariraia.

Mareko 13:26

E na kaoti ngkanne Natin te Aomata i buakon naang ma te mimitong ao te m'aaka ae korakora.

Ruka 18:8

I tuangngkami b'a ane E na iri taangaia ni waekoa. Ma ngkana E roko Natin te Atua, E na kunea te onimaki i aon te aba?

Ruka 21:27

Ao ngkanne, ane a na noora Natin te Aomata b'a E na nako mai n te nang ma te m'aaka ao te mimitong ae bati.

Ioane 7:1

I mwin arei ao E m'am'ananga Iesu i aoni Kariraia; E aki kona ni m'am'ananga i aon Iutaia i bukina ngke a kani kamatea I-Iutaia.

M'akuri 17:10

Ngke e a bon tib'a roo ao a kanakoaki naba B'auro ma Tira irouia taari nako Beroia; ao ngke a roko iai, ao a rin ni m'aneabaia I-Iutaia.

M'akuri 17:14

Ma ngaia are, e a kawaekoaki ngkanne ni kanakoaki B'auro irouia taan onimaki nakon te tabo are e mena tari iai; ma e tiku Tira ma Timoteo i Beroia.

M'akuri 20:1

Ngke e toki te kiriwe arei, ao e weteia reirei B'auro ni kaungaia, ao e kabo ma ngaiia. E kitaniia ao e wakina kawaina nako M'aketonia.

M'akuri 8:1

Ao e kakoauaa Tauro b'a e bon riai kamatean Tetebano. E korakora b'ainikirinaia kaain te ekaretia i Ierutarem; ao a bane ni kauamaaeaki nako kaaina nako aon te aba are Iutaia ma Taamaria, ma a aki kauamaaeaki taan tuatua.