Mataio 10:2 - Te B'aib'ara

² Aikai araia taan tuatua ake tengauni ma uoman: te moa n ara bon Timon, are arana teuana Betero, ao Anterea are tarina; ao Iakobo are natin Tebetaio, ao Ioane are tarina;

Mataio 10:2 ပူးပေါင်းရင်းမြစ်များ

Mataio 17:1

I mwin onobong ao Iesu E wetea Betero, ma taari ake Iakobo ma Ioane, ao E kairiia nakon te maunga teuana ae rietaata, ao a tiku iai n ti ngaiia.

Mataio 20:20

Ao ngkanne e roko buun Tebetaio ma natina mm'aane iroun Iesu, ao e katorobubua ni bobaraaki i matana ni karinea, ao e butiia Iesu n te aro n anainano.

Mataio 26:37

E kaira Betero ma natin Tebetaio ake uoman b'a raona, ao E moanna n taonaki n te nanokawaki ma te rawawata ae bati.

Mataio 4:18

Ngke E nakonako Iesu i rarikin namani Kariraia, ao E noriia taari mm'aane aika uoman, are Timon are arana teuana Betero, ao Anterea are tarina, ngke a kab'aka te karaun n te nama; b'a taan akawa ngaiia.

Mataio 4:21

Ngke, E wakina nako riki kawaina maikekei, ao E a manga noriia taari-mm'aane aika uoman are Iakobo ma Ioane ake natin Tebetaio. A mena n aia booti ma tamaia are Tebetaio, b'a a bonobonoti raeuakin aia karaun; ao E weteia.

Mareko 1:29

Ao E kitana te m'aneaba arei, ao E nako n aia auti Timon ma Anterea, ao raona Iakobo ma Ioane.

Mareko 13:3

E tekateka Iesu i aon te maunga are Oriweta, are tei ni kaitara ma te um'antabu, ngke a roko i Rouna Betero, ma Iakobo, ma Ioane, ma Anterea n ti ngaiia.

Mareko 6:30

A oki nakon Iesu taan tuatua, ao a tuangnga b'aai ni kabane ake a tia ni karaoi ao ake a tia n reireiia aomata iai.

Ruka 11:49

Ma ngaia are e taku Rabakaun te Atua, “N na kanakoia burabeti ma taan tuatua nako ia, ao ane a na kamateia tem'angina, ao a na b'ainikiriniia tem'angina.”

Ruka 22:14

Ao ngke e a roko tain te am'arake, ao E tekateka Iesu, ao raona taan tuatua.

Ruka 22:8

Ma ngaia are E kanakoia Betero ma Ioane Iesu, ao E kangai, “Kam na nako ni katauraoa am'araken te Toa are te Riao i bukira, b'a ti na kanna.”

Ruka 5:10

ao a mimi naba n aei Iakobo ma Ioane ake natin Tebetaio b'a ngaiia ake raon Timon. Ao E taku Iesu nakon Timon, “Tai maaku; b'a man te tai aei ao ane a na reke aomata b'a konam.”

Ruka 9:10

Ngke a oki taan tuatua, ao a tuanga Iesu taekani baike a tia ni karaoi. Ao E kairiia ni kaokoroia nakon te kawa are arana Betetaita.

Ioane 12:22

E nako Biribo n tuanga Anterea, ao a uaia n nako n tuanga Iesu.

Ioane 13:23

Ao temanna i buakoia ana reirei Iesu, are te reirei are E tangiria Iesu, e rarikiriki ni kaan ma b'anib'anin Iesu.

Ioane 20:2

Ma ngaia are, e biri nako nakon Timon Betero ma te reirei are temanna, are E tangiria Iesu, ao e taku nakoia, “A uota nako te Uea man te ne ni mate, ao ti aki ata te tabo are a kaaki iai.”

Ioane 21:2

a botaki i rarikin te nama reirei aikai, Timon Betero, Toma are aranaki b'a te Bwebwee, ao Natanaera are kaaini Kana are i Kariraia, ao natin Tebetaio ake uoman, ao uoman riki ana reirei.

Ioane 21:20

E rairaki Betero, ao e nora te reirei are E tangiria Iesu b'a e iri; ngaia ngkoa are raraa b'anib'anin Iesu ngke a am'arake n tain te Toa are te Riao, ao ngaia naba are kaangai, “Te Uea, antai ae na kam'aneko?”

Ioane 21:24

Te reirei arei boni ngaia te tia kakoaua i bukini baikai, ao boni ngaia naba ae koroi taekaia; ao ti ataia b'a a koaua ana taeka.

Ioane 6:67

E taku ngkanne Iesu nakoia uake tengauni ma uoman, “Kam na nako naba ngkami?”

Ioane 6:70

E kaeka Iesu ao E taku, “Tiaki I rineingkami ngkami aika tengauni ma uoman, ao bon iai te riaboro temanna i buakomi!”

Ioane 6:71

E taekina Iuta are natin Timon Itekariota, are temanna i buakoia uake tengauni ma uoman, b'a ngaia are e na kam'anea.

Ioane 6:8

E taku nakoina ana reirei temanna are Anterea, are tarin Timon Betero,

M'akuri 1:13

Ao ngke a rin i Ierutarem, ao a nako n te ru are i eta, are a kabongana b'a neia ni maeka n te tai ae aki maan Betero, ma Ioane, Iakobo, Anterea, Biribo, Toma, B'aretorom'aio, Mataio ma Iakobo are natin Areb'aio, ma Timon are te Terote, ao Iuta are tarin Iakobo.

M'akuri 1:26

Ao a kakaaea n te aro ni kaiwa b'a antai ae na rineaki i rouia, ao e reke b'a Matia; ao e warekaki b'a raoia taan tuatua ake tengauni ma temanna.

M'akuri 12:2

E kamateaki n te kabaang Iakobo are tarin Ioane n ana baire Erote.

M'akuri 3:1

Ao e nako n te Tembora Betero ma Ioane n tain te tataro are te aoa tenua n te tanimaeaontaai.

1.I-Korinto 15:7

Ao rimwi, E noraki iroun Iakobo, ao rimwi, irouia taan tuatua ni kabaneia.

I-Ebeto 4:11

Boni Ngaia ae E anga tem'angina b'a taan tuatua; ao tem'angina, b'a bureitiman, ao tem'angina, b'a taan taekina te euangkerio; ao tem'angina, b'a taani kawakina te ekaretia ao taan reirei.

Ebera 3:1

Ma ngaia aei, taari aika kam itiaki, aika raou ni weteaki mai karawa, kam na iangoa te Tia Tuatua are Iesu, are Mataniwiia ibonga n te onimaki ae ti tataekinna.

1.Betero 1:1

Mairouni Betero, ae ana tia tuatua Iesu Kristo, nakoia akana rineaki akana iruwa akana uamaae i Bonto, ao i Karatia, ao i Kabatokia, ao i Atia, ao i Bitunia,

2.Betero 1:1

Mairoun Timon Betero, ae ana toro ma ana tia tuatua Iesu Kristo, nakoia akana reke i rouia te onimaki ae kakawaki ae ti te arona ma ara onimaki, ae reke n ana raoiroi Atuara ma ara Tia Kamaiu are Iesu Kristo.

2.Ioane 1:1

Mairoun te unimm'aane nakon te aine ae karineaki ae rineaki ma natina akana I tangiriia ni koaua; ma tiaki ti ngaia, b'a a tangiraki naba irouia ni kabaneia ake a ata te koaua;

3.Ioane 1:1

Mairoun te unimm'aane nakoni Kaio ae tangiraki, ae I tangiria ni koaua.

Te Kaotioti 1:1

Te boki aei bon taekan ana kaotioti Iesu Kristo, are E anganaki iroun te Atua, b'a E na kaotia nakoia ana toro. Kanoan te kaotioti aei bon taekani baika na waetata n roko. E kaoti baikai Kristo iroun ana anera are E kanakoa nakon ana toro ae Ioane,

Te Kaotioti 1:9

Ngai ae Ioane, ae tarimi, ae raomi n uaia n rawawata ma ni kaaina Ueani Kristo ma ni b'aina te nanom'aka ngkai ti reitaki ma Iesu, I mena i aon te abam'akoro ae Batemoti, i bukin ana taeka te Atua ao i bukin naba te koaua are E tataekinna Iesu

Te Kaotioti 18:20

Ko na kim'areirei, karawa, n te b'ai ae riki nakoina; ao kam na kim'areirei naba ngkami aika kam itiaki, ma taan tuatua, ma burabeti: b'a E karekei kaina te Atua i bukin te baere e karaoi nakoimi.

Te Kaotioti 22:8

Boni ngai, ae Ioane, ae I ongo ma n noori baikai. Ao ngke I ongo ma n noori, ao I katorobubua ni bobaraaki i rarikini waen te anera are kaoti baikai nako iu.