Mataio 10:19 - Te B'aib'ara

¹⁹ Ngkana a kateingkami, ao tai katabei nanomi n iangoi aromi b'a kam na kanga n taetae, ke tera ae kam na taekinna; b'a ane kam na anganaki baike kam na taekin n te aoa naba arei.

Mataio 10:19 ပူးပေါင်းရင်းမြစ်များ

Te Otinako 4:12

Ko na nako ngkai! N na raoniko ngkana ko taetae ma n anganiko taeka aika ko na taekin.”

Te Otinako 4:15

Ko konaa n taetae nako ina ma n tuangnga te b'ai ae I taekinna. N na buokingkami ni kauoman n taetae, ao N na kaai n tuangkami te b'ai ae kam na karaoia.

Ieremia 1:7

Ao e taku te UEA, “Ko na tai taku b'a ko rangi ni uarereke. Ngkana I tuangko b'a ko na nako n taetae nakon temanna, ao ko na nako! Ao ngkana I tuangko te b'ai ae ko na taekinna, ao kona taekin b'aai nako aika I tuangko!

Ieremia 1:9

E kanakoa baina te UEA, ao e riinga wiiu ao e taku, “I anganiko taeka aika ko na taekin,

Mataio 10:18

ao ane kam na katikaki nako mataia taan tau-taeka ma uea i buku, ma kam na taekina te koaua nako ia ao nakoia aomata akana tiaki I-Iutaia.

Mataio 6:25

Ma ngaia ae I taku nako imi, Tai iango n raraoma i bukini maiumi, b'a tera ae kam na kanna ke ae kam na nimma, ao i bukin rab'atami b'a tera ae kam na kunnikaia iai. Tiaki e bongana riki te maiu nakon te am'arake, ao te rab'ata nakoni karabana?

Mataio 6:31

Ma ngaia ae tai iango n raraoma, ni kangai, “Tera karara? ao, tera nimara? ao, tera karabaara?”

Mataio 6:34

Ma ngaia ae kam na tai iango n raraoma i bukin te ingabong b'a tera ae na riki iai: b'a e na bon iangoa arona te ingabong n raraomaeakinna. E a tau ana b'ai ni kararaoma te bong ae te bongina ngkana bon ana b'ai.

Ruka 12:11

Ngkana a katikingkami nako mataia akana botaki ni m'aneabaia I-Iutaia ao nakoia taan tautaeka ma uea, ao tai raraoma n are kam na taekin b'a a kanga ami kaeka, ke a na tera are kam na atong;

Ruka 12:12

b'a E na reireiningkami te Tamnei are Raoiroi n te aoa naba arei ami taeka akana riai b'a kam na atong.

M'akuri 6:10

Ma a aki kona ni kaitaraa Tetebano n aia taeka i bukina b'a E a tia te Tamnei are Raoiroi n anganna te rabakau n taetae.

I-Biribi 4:6

Kam na tai iangoa te b'ai teuana n raraomaeakinna; ma a na kaotaki ami bubuti nakon te Atua ni b'aai ni kabane, n te tataro ni bubuti ae raonaki ma te katituaraoi.

2.Timoteo 4:17

Ma E tei te Uea i rarikiu ao E kakorakoraai b'a N na taekina te euangkerio ae b'anin b'a a na ongo aomata aika tiaki I-Iutaia; ao I kamaiuaki man te mate.

Iakobo 1:5

Ngkana akea ana rabakau temanna i buakomi, ao e na butiia te Atua ae tituaraoi, ae kukurei n anganganiia aomata ni kabaneia, ao e na bon anganaki.