Mataio 10:18 - Te B'aib'ara

¹⁸ ao ane kam na katikaki nako mataia taan tau-taeka ma uea i buku, ma kam na taekina te koaua nako ia ao nakoia aomata akana tiaki I-Iutaia.

Mataio 10:18 ပူးပေါင်းရင်းမြစ်များ

Taian Areru 119:46

N na tataekin am Taeka nakoia uea, Ao N na aki mamaa iai.

Mataio 10:17

Kam na kawakiningkami mairouia aomata; b'a ane a na kateingkami i matani kabowi, ao ane a na oreingkami i nanoni m'aneabaia I-Iutaia;

Mataio 10:19

Ngkana a kateingkami, ao tai katabei nanomi n iangoi aromi b'a kam na kanga n taetae, ke tera ae kam na taekinna; b'a ane kam na anganaki baike kam na taekin n te aoa naba arei.

Mataio 8:4

E taku Iesu nako ina, “Taraia b'a ko na aki tuanga temanna taekan te baei; ma naako moa kaotiko nakon te ibonga, ao anga te karea n ai aron are e tua Moote, b'a te b'ai ni kakoaua nakoia aomata.”

Mareko 13:9

“Ma kam na tarataraingkami, b'a ane a na kateingkami i matani kabowi, ao ane kam na oreaki i nanoni m'aneabaia I-Iutaia; ao ane kam na tei i mataia taan tautaeka ma uea i buku, b'a kam na taekina te koaua nako ia.

2.Timoteo 1:8

Ko na tai mamaa n taekina taekan ara Uea, ao ko na tai mamaa naba i rou, ngai ae I kabureaki i bukini Kristo; ma ko na buokanib'ai ma ngai ni maraki i bukin te euangkerio, ni m'aakan te Atua;

Te Kaotioti 1:9

Ngai ae Ioane, ae tarimi, ae raomi n uaia n rawawata ma ni kaaina Ueani Kristo ma ni b'aina te nanom'aka ngkai ti reitaki ma Iesu, I mena i aon te abam'akoro ae Batemoti, i bukin ana taeka te Atua ao i bukin naba te koaua are E tataekinna Iesu

Te Kaotioti 11:7

Ao ngkana a tia n taekina aia rongorongo, ao te man are tiritiri are tabe n rierake mai Abuto e na buakaniia ao e na tokanikai i aoia, ao e na kamateia.

Te Kaotioti 6:9

Ao ngke E kaaki te b'ai ni kanim are te kanikina are te kanimaua, ao I nooriia aomataia ni koaua te koraki ake a kamateaki ngkoa i bukin ana taeka te Atua, ao i bukin naba aroia ni kakaonimaki n tataekina ana taeka te Atua;