Mareko 9:50 - Te B'aib'ara

⁵⁰ E raoiroi te taoro, ma ngkana e a bane taorona, ao ko na iranna ni karaoia b'a e na manga reke taorona? B'aina te taoro n i-raorao i marenami, ao kam na maeka ma te rau i marenami.”

Mareko 9:50 ပူးပေါင်းရင်းမြစ်များ

Iobi 6:6

Ma antai ae kona ni kana te am'arake ae akea kangkangina, ao e aki taoro? Tera kangkangin marain te bunimoa?

Taian Areru 133:1

Ai raoiroira ao ai rerei ra ngkana a maeka ni bootaki aomata n ai aroia taari!

Taian Areru 34:14

Taan nako man te buakaka, Ao karaoa ae e raoiroi. Kekeiaki ni b'aina te rau ni maium.

Etekiera 43:24

ao uotiia nakon au Tembora. E na kamraraa te taoro te ibonga i aoia ao e na anga b'a te karea are kakukureiau.

Mataio 5:13

Ai aron taoron te aonnaba ngkami; ma ngkana e mauna taorona, ao e na taoronaki n tera? Akea te b'ai ae e na bongana nako iai, ma ti te teweaki nako, ao ikanne are e a kona n reke ae e toutouaki iai irouia aomata.

Mareko 9:34

A aki kaeka Iesu, i bukina b'a i aoni kawaia ao a tia ni kauntaeka i marenaia b'a antai te kabanea ni kakannato i buakoia.

Mareko 9:49

A na bane aomata nako ni kataaki ri nanon te karawawataaki.

I-Rom 12:18

Ngkana kam konaa, ao karaoi b'aai ni kabane aika kam na kona iai ni maeka n rau ma aomata ni kabaneia.

2.I-Korinto 13:11

Te kabanea, taari, kam na kakatonga, kam na kanako raoi aromi, kam na karau nanomi, kam na b'aina te nano ae ti te arona, kam na raoi; ao E na mena i roumi te Atua are e reke mai Rouna te tangira ma te raoi.

I-Karatia 5:22

Ma uaan te Tamnei te tangira, te kim'areirei, te raoi, te taotaonaki n nano, te ataataiaomata, te raoiroi, te kakaonimaki,

I-Ebeto 4:29

E na tai oti nako te taeka teuana ae kam'ara mai wiimi, ma e na oti nako te taeka ae e raoiroi ae na buokiia aomata ni kain nanoia, ao a na reke kab'aiaia iai akana ongo.

I-Biribi 1:27

Kam na ti kakaraoa ae boraoi ma nanon ana euangkerio Kristo; b'a ngkana I roko n noringkami, ke ngkana tao I mena n te tabo teuana, ao I kan ongo rongorongomi, b'a kam teimatoa n aromi ni maiu b'a kanga te tamnei ae ti teuana, ni kakorakoraingkami b'a kanga te aomata ae ti temanna, i bukin te onimaki are reke man te euangkerio;

I-Korote 3:12

Ma ngaia aei, ngkai ana aomata te Atua ngkami aika kam rineaki, aika kam itiaki ma n tangiraki, ao kam na b'aina te nano n nanoanga, te atataiaomata, te nanorinano, te nimamannei, te taotaonaki n nano.

I-Korote 4:6

A na tangiraoi ami taeka n taai nako, ma ni kakan ongora; ao kam riai n ata te kaeka ae riai nakon temanna ma temanna.

1.I-Tetaronike 5:13

Kam na anganiia karineaia ae bati ma tangiraia i bukin aia m'akuri. Kam na b'aina te raoi i buakomi.

2.Timoteo 2:22

Ko na kararoako man naano ni kaib'ab'aru aika naano n rorobuaka n ataei; ao ko na kataa ae ko kona, ni karaoa nanon te Atua, ni b'aina te kakaonimaki, te tangira, ma te raoi; ko na karaoi baikai ni botaki ma te koraki aika m'anewea aran te Uea ma nanoia aika itiaki.

Ebera 12:14

Kam na keiaki n raoi ma aomata ni kabaneia, ma n tabui maiumi b'a a na b'ai te Atua; b'a ngkana akea aei ao e aki kona te aomata n nora te Uea.

Iakobo 1:20

b'a unin te aomata e aki kona ni karaoa nanon te Atua.

1.Betero 3:8

Kabanean au taeka ngkanne: kam na bane ni b'aina te nano ae ti te arona, ma te namakin ae ti te arona; kam na tangiriia raomi ni Kristian, kam na nanoanga, ao kam na nanorinano.