Mareko 9:47 - Te B'aib'ara

⁴⁷ Ao ngkana e kairiko matam teuana nakoni karaoan te bure, ao autia, kaki; b'a e raoiroi riki nakon ae ko kawakini matam aika uoua ao ko karenakoaki i Keenna,

Mareko 9:47 ပူးပေါင်းရင်းမြစ်များ

Karikani B'aai 3:6

Ao e noora te kai arei te aine b'a e tamaroa taraana, ao e rangi n raoiroi uaana n te kanaki, ao e a anaaki riki nanona ngke e na wanawana iai. Ma ngaia are, e anai uaana ao e kang. Ao i mwiina, e a manga angan teuare buuna, ao e kanna naba teuarei.

Iobi 31:1

I a tia ni karaoa te berita ae matoa b'a N na aki manga taratara te ataei n aine ma te kaitataan.

Taian Areru 119:37

Kawakinai man iaiangoani baika akea bonganaia, Ao anganai te maiu n iran nanom.

Mataio 18:9

Ao ngkana e kairiko matam nakoni karaoan te bure, ao ko na autia, ao tewea nako; e raoiroi riki i roum ngkana ko rin n te maiu ma matam ae ti teuana nakon teweakinakom ma matam aika uoua nakon te ai are i Keenna.

Mataio 5:22

ao Ngai I taku nako imi, b'a ane un nakon tarina, ao e na kateaki n te kabowi b'a e na baireaki taekana; ao ane kangai nakon tarina, Akea warem; ao e na tei i matan te Tanirim b'a e na baireaki taekana iai; ao ane atonga tarina b'a akea uaana ao e na motikaki taekana b'a e na teweaki nako n te ai are i moone.

Mareko 9:43

Ao ngkana e kairiko baim teaina nakoni karaoan te bure, ao koreia, kaki; b'a e raoiroi riki rinim n te maiu ma baim teaina ae akea nakon ae ko nako Keenna ma baim aika uaai nakon te ai are aki mamate.

Ruka 14:26

Ngkana iai ae kan riki b'a au reirei ma e aki riba tamana ma tinana ma buuna ma natina ma tarina ma m'anena, ma n aki riba naba maiuna, ao e aki kona n riki b'a au reirei.

Ioane 3:3

E kaeka Iesu ao E taku, “Bon te koaua ae I a tuangko b'a ngkana e aki manga bungiaki” te aomata, ao e aki kona n nora uean te Atua.

Ioane 3:5

E taku Iesu, “Bon te koaua ae I a tuangko, b'a ngkana e aki bungiaki te aomata n te ran ma te Tamnei are Tabu, ao e aki kona n rin n uean te Atua.

I-Karatia 4:15

E nga ngkoa kukureimi? I boni koaua b'a kam na kaman tia n auti kanoani matami n anganai, ngke arona b'a kam kona.