Mareko 9:29 - Te B'aib'ara

²⁹ E taku nako ia, “Te b'ai ae ai aron aei, e aki konaki ni kanakoaki n te aro teuana b'a ti n te tataro.”

Mareko 9:29 ပူးပေါင်းရင်းမြစ်များ

Taniera 9:3

Ao I kakorakoraai n tataro nakon te Uea ae te Atua, mani kairoro, man aki mamatam, mani karinii kunnikai aika a mangaingai, ao n tekateka i aon te mannang.

Mataio 12:45

Ao e nako ni kairiia itiman anti aika buakaka riki nako ina, ao a rin ao a maeka iai; ao e a buakaka riki aron te aomata arei nakon arona are rimoa. Ao ai aron naba ae na riki nakon te roro ae buakaka aei.”

Mataio 17:20

E taku Iesu nako ia, “I bukina b'a a karako ami onimaki. B'a e koaua ae I a tuangngkami, b'a ngkana iai ami onimaki ae ai aroni buburani koraan uaan te m'akeke, ao ngkana kam kangai nakon te maunga aei, Ko na m'ae maikai nako ikekei, ao e na m'ae; ao bon akea te b'ai teuana ae kam na aki kona!”

Mataio 17:21

Ma a aki oti nako taimonio aika ai aron aei, ma ti n te tataro ma te aki-mamatam.

Mareko 9:28

Ngke E rin nako nanon te auti Iesu, ao a titirakinna ana reirei ngke ti ngaiia, ao a kangai, “E aera ngke ti aki kona ni kanakoa te tamnei are kam'ara arei?”

Mareko 9:30

Ao E kitana te tabo arei Iesu ma ana reirei, ao a m'ananga nako n ri nuukani Kariraia. E aki tangira temanna b'a e na ata te tabo are E mena iai,

Ruka 11:26

ao ngkanne, e nako ni kairiia itiman riki anti aika buakaka riki nako ina, ao a rin ni maeka ikekei; ao e a buakaka riki aron te aomata arei nakon are rimoa.

M'akuri 14:23

A rineia tem'angina n te ekaretia teuana b'a unimm'aanen te ekaretia anne, ao a karaoa aron aei i nanon ekaretia nako; ao ni katoa te tai are a tia ni karaoa iai aei, ao a aki mamatam, ao a tataro i bukiia b'a a na kawakinaki iroun te UEA, are a onimakinna.

1.I-Korinto 9:27

ma I kataneiaa rab'atau n te aro b'a e aonga ni matoatoa, ao I taua taekan arou b'a kanga te toro, b'a e kawa n aki reke arou i mwin tataekinan te euangkerio nakoia tem'angina.

2.I-Korinto 11:27

ao kanganga naba man te m'akuri ae kakua, te aki mamatu n tairiki aika bati, te baki ma te taka, te aki mamatam i nanon taai aika bati, te mariri, ao aki tauni m'aitini kunnikaiu i aou.

2.I-Korinto 12:8

Tenua au tai ni butiia te UEA i bukin te baei b'a e na nako mai rou.

2.I-Korinto 6:5

Ti oreaki, ti kabureaki, ao ti kakiriweaki n taiani kiriwe. Ti a tia ni m'akuri korakora n aki mamatu ao n aki mamatam.

I-Ebeto 6:18

Ao kam na tataro n aki toki n taian tataro ni kabane ma bubuti, n ai aroni kairami iroun te Tamnei; ao kam na kamarurungngkami nako iai, ma n aki b'ara n nano, ni bubuti i bukiia ake a itiaki ni kabaneia,

Iakobo 5:15

Ao ane e na kamaiua te aoraki te tataro n onimaki; E na kaokaki marurungina nakoina iroun te Uea, ao a na kab'araki ana bure ngkana e a tia ni bure.