Mareko 9:26 - Te B'aib'ara

²⁶ I mwini karikan te teei iroun te tamnei are kam'ara arei b'a e na takarua ao e na kaatikitiki n te aro ae kakaiaki, ao e oti nako mai rouna, ao e riki te teei b'a kaanga ai aron taraan te mate; ma ngaia are a taku m'aitiia aomata, “E a mate!”

Mareko 9:26 ပူးပေါင်းရင်းမြစ်များ

Te Otinako 5:23

Ko tuangai ngkoa b'a N na taetae nakon te uea, ao akea te b'ai ae Ko karaoia ma ti karokoan te kangaanga nako ia aomata aikai. Ao Ko tuai man karaoa Am buobuoki.”

Mataio 15:22

Ao noria, e roko te aine temanna ae te I-Kanaan man aaba akekei, ao e takarua ni kangai, “Te Uea, ae Natin Tawita! Ko na nanoangaai! E taniaki natiu te aine iroun te taimonio, ao e a rangi ni karawawataki i rouna.”

Mareko 1:26

Ao te tamnei are kam'ara e karika te aomata arei b'a e na kaatikitiki, ao e katakaruaea n te b'anaa ae korakora, ao e oti nako mai rouna.

Mareko 9:18

ike e taniaki iai i rouna, ao e bouaia i aontano, ao ngaia e kabungibaware ao e katiki m'angaina, ao e tikinono rab'atana. I tuangiia am reirei b'a a na kanakoa mai rouna, ma a aki kona.”

Mareko 9:20

A kairia nakon Iesu. N te tai naba are e nora iai Iesu te tamnei are kam'ara, ao e karaoa ae e riki ni kaatikitiki iai te teinimm'aane arei, ao e b'aka i aontano n rabinobino ma wina ae kabungibaware.

Mareko 9:25

Ao Iesu, ngke E noriia aomata aika m'aiti b'a a bane ni biri, ao E takua te tamnei are kam'ara, ao E taku nako ina, “Te tamnei ae ko babanga taetae ao ko bonotaninga, I tuangko b'a ko na oti nako mai rouna, ao ko na aki manga rin riki i nanona!”

Mareko 9:27

Ma Iesu, E taua baina ao E kateirakea, ao ngaia e tei rake.

Te Kaotioti 12:12

Ma ngaia ae kam na kim'areirei, ngkami aika taiani karawa, ao ngkami aika kam maeka iai. E na reke kain te aba ma marawa! B'a e a tia n ruo nakoimi te riaboro ma unna ae korakora, ngkae e ataia b'a e a uarereke ana tai.”