Mareko 9:24 - Te B'aib'ara

²⁴ N te tai naba arei, ao e takarua taman te teei ao e taku, “Iai au onimaki, ma e aki tau. Buokai b'a e na kam'aitaki riki.”

Mareko 9:24 ပူးပေါင်းရင်းမြစ်များ

2.Tamuera 16:12

Ma I taku b'a ngkana e ongo te UEA taeka ni kamaraia aikai ma n noora te kangaanga ae I a mena i nanona, ao I taku b'a E na bon nanoangaai ao N na aki maraia.

2.Uea 20:5

ao E kaokia te UEA nakon Etekia ma te rongorongo ae kaangai: Etekia, bon Au tia tautaeka ngkoe i aoia au Aomata, ao boni Ngai te UEA ae te Atua, are E taromauriaki iroun am bakatibu are Tawita. I ongo am tataro, ao I nooriko ngke ko tang. N na boni kamarurungko, b'a ko aonga ni konaa ni manga taromauriai n au Tembora i mwiin tenibong mangkai.

Taian Areru 126:5

A na tai ma te kakatonga te koraki ake, a ununiki ma te tang!

Taian Areru 39:12

Te UEA, Ongo au tataro, ongo tangu ni kani buokaki; tai kabonoa taningam nakon ngurengureu. I maeka ma ngkami b'a, ami iruwa, ao N na boni waetata n nako.

Ieremia 14:17

Ieremia, naako tuangiia aomata am namakin i aon te b'ai aei. Ma ngaia are, I tuangiia ni kaangai: “E na taonako rannimatau n te ngaina ma te bong, i bukina b'a a mate au botannaomata n te ikoaki ae e korakora.

Mareko 9:23

E taku Iesu nako ina, “Ngkana ko boni kona ngkoe! A konaki b'aai nako iroun ane onimaki.”

Mareko 9:25

Ao Iesu, ngke E noriia aomata aika m'aiti b'a a bane ni biri, ao E takua te tamnei are kam'ara, ao E taku nako ina, “Te tamnei ae ko babanga taetae ao ko bonotaninga, I tuangko b'a ko na oti nako mai rouna, ao ko na aki manga rin riki i nanona!”

Ruka 17:5

A taku taan tuatua nakon te Uea, “Ko na kakorakorai riki ara onimaki.”

Ruka 7:38

E tei i akuun Iesu i bukini waena n tang, ao e kam'aim'ai waena n ranni matana, ao e kaoi n iran atuna, ao e kaboria ma waena, ao e kabiri n te b'a.

Ruka 7:44

E rairaki ngkanne Iesu nakon te aine, ao E taku nakon Timon, “Ko nora te aine aei? I rin n am auti, ao akea te ran ae ko anganai b'a tebokani waeu, ma neiei e kam'aim'ai waeu n ranni matana ao e kaoi n iran atuna.

M'akuri 10:19

Ao ngke e tabe Betero n iangoia b'a tera nanon te baere kanga te mii arei, ao e taku te Tamnei nakoina, “Noria! a ukoukoriko teniman aomata.

M'akuri 10:31

ao e kaangai, ‘Korenerio! E ongo am tataro te Atua, ao a ururingaki am m'akuri n tituaraoi i matana.

2.I-Korinto 2:4

B'a I koroboki nako imi ma nanou ae e taonaki n te rawawata ma te korakai ae bati, ma rannimatau aika bati; tiaki b'a kam aonga ni karawawataki iai, ma kam aonga n ataia b'a e bati tangirami i rou.

I-Ebeto 2:8

B'a kam kamaiuaki n te akoi i bukin te onimaki; ao tiaki mai roumi ae reke iai aei, ma bon ana b'ai n tituaraoi te Atua;

I-Biribi 1:29

B'a kam anganaki i bukini Kristo tiaki ti te onimakinna, ma te b'ainikirinaki naba i bukina.

2.I-Tetaronike 1:11

Anne bukin ae ti aki toki iai n tataro i bukimi, b'a E na karaoingkami Atuara b'a kam na tau nakon te maiu are E a tia ni weteingkami nako iai b'a kam na b'ainna; ao E na kabongana m'aakana ni kakororaoa nanomi n tangira te raoiroi, ma ni katiai baika kam karaoi i bukin ami onimaki;

2.I-Tetaronike 1:3

Taari, ti bon riai ni katituaraoa te Atua n taai nako i bukimi, ngkae e riki rake ni matoatoa ami onimaki, ao e kabatiaki ami i-tangitangiri ni kabaneingkami.

2.Timoteo 1:4

I uringa arom ngke ko tang, ao I rangi ni kan noriko b'a I aonga ni kaonaki n te kim'areirei.

Ebera 12:17

Kam ataia b'a i mwina, ngke e kani karekea ana taeka ni kakab'aia tamana, ao e ribaaki; b'a akea te anga ae e na kona iai ni bita aron are e a tia ni karaoia, e boni ngae ngke e ukoukoria ma te tang.

Ebera 12:2

ao ti na tarataraa Iesu are te tia kariki ara onimaki, ao te tia kakoroa; are E taona nanona nakon te kaibangaki, n aki mutiakina kamaamaeana, i bukin te kim'areirei are kamenaki i m'aina; ao E tekateka i angaatain ana kaintokanuea te Atua.

Ebera 5:7

Ngke E maiu Iesu i aon te aba, ao E tataro ni bubuti ma te tang ae korakora ma ranni matana nakon Teuare kona te kamaiua man te mate, ao E ongo i Rouna i bukina b'a iai makan ma karinean te Atua i Rouna.