Mareko 9:20 - Te B'aib'ara

²⁰ A kairia nakon Iesu. N te tai naba are e nora iai Iesu te tamnei are kam'ara, ao e karaoa ae e riki ni kaatikitiki iai te teinimm'aane arei, ao e b'aka i aontano n rabinobino ma wina ae kabungibaware.

Mareko 9:20 ပူးပေါင်းရင်းမြစ်များ

Mareko 1:26

Ao te tamnei are kam'ara e karika te aomata arei b'a e na kaatikitiki, ao e katakaruaea n te b'anaa ae korakora, ao e oti nako mai rouna.

Mareko 9:18

ike e taniaki iai i rouna, ao e bouaia i aontano, ao ngaia e kabungibaware ao e katiki m'angaina, ao e tikinono rab'atana. I tuangiia am reirei b'a a na kanakoa mai rouna, ma a aki kona.”

Mareko 9:19

E taku Iesu nako ia, “Te botannaomata ae akea ana onimaki; tao maan ra ae N na titiku iai i rarikimi? Ao tao maan ra taotaonakin nanou nako imi? Uota mai te teinimm'aane nako Iu!”

Mareko 9:21

Ao Iesu, E titirakina taman te teei ni kangai, “Maan ra te tai ae reke i rouna iai aei?” Ao ngaia e taku, “Ma ngke e uarereke.

Mareko 9:26

I mwini karikan te teei iroun te tamnei are kam'ara arei b'a e na takarua ao e na kaatikitiki n te aro ae kakaiaki, ao e oti nako mai rouna, ao e riki te teei b'a kaanga ai aron taraan te mate; ma ngaia are a taku m'aitiia aomata, “E a mate!”

Ruka 4:35

Ma Iesu E takuia ao E taku, Tai karongoa, ao oti nako mai rouna! Ao ngke e a tia te taimonio ni boaketan teuarei i mataia aomata ake a mena ikekei, ao e oti nako mai rouna n aki kaikoakia.

Ruka 8:29

B'a E a tia Iesu n tuanga te anti are kam'ara b'a e na oti nako mai rouna. B'a e a m'aiti ana tai teuaei n taniaki iroun te anti arei; n taai ake e taniaki iai, ao e kabaeaki n taurekereke ma b'aai ni kabae wae, ma e urui b'aai ni kabaebae ao e kairaki nakon te rereua iroun te taimonio.

Ruka 9:39

Ao noria, e tatauaki iroun te tamnei n te tai teuana ma teuana; ao kinaakin aei, e karinaa teteei ni mm'aane ni katakaruaea, ao e karaoa ae na kaatikitiki iai ni karokoa ae kabungibaware, ao e a tib'a kitanna ngkana e a bon rawata i rouna.

Ruka 9:42

Ngke e tabe n roko te teei ni mm'aane, ao te taimonio, e boaketana ao e kaatikitikia. Ao Iesu, E takua te anti are kam'araa, ao E kamaiua te teei ni mm'aane, ao E anga nakon tamana.

Ioane 8:44

Natin tamami are te riaboro ngkami, ao nanomi ti te kani karaoa are e tangiria tamami. Te tia kamaamate ngaia ma rimoa, ao e aki b'ab'aina te koaua, b'a akea te koaua i nanona. Ngkana e kewe, ao e boni kaota anuana: b'a te tia kewe ngaia, ao boton te kewe.

1.Betero 5:8

Kam na kamarurungngkami, ao b'aina te tatauraoi. B'a e aiwaa ami kairiribai are te riaboro n ai aron te raian ae bekorara, n ukoukora konana b'a e na ongnga.