Mareko 9:17 - Te B'aib'ara

¹⁷ E kaeka temanna mai buakoia te m'aiti n aomata arei, ao e taku, “Te Tia Reirei, I a nikira natiu i Roum, b'a e taniaki iroun te tamnei ae kam'ara ao e aki kona n taetae;

Mareko 9:17 ပူးပေါင်းရင်းမြစ်များ

Mataio 12:22

Ao e uotaki nakon Iesu temanna ae e bae newena ao e mataki i bukina b'a e taniaki n te taimonio. E kamaiua Iesu, ma ngaia are e a kona n taetae, ao e noraba.

Mataio 17:15

“Te Uea, Ko na nanoangaea natiu te mm'aane! b'a iai aorakin ana iango, ao e kainano ni maraki; ni m'aitin te tai ao ai te b'aka naba n te ai, ke i nanon te ran.

Mataio 9:32

Ao ngke a nako uake a tia ni kamaiuaki mani matakiia, ao noria, e kairaki nakon Iesu te aomata ae babanga taetae, ae taniaki iroun te taimonio.

Mareko 10:13

Iai aomata ake a nikiria ataei iroun Iesu b'a E na kaki baina i aoia, ma a takuaki irouia ana reirei.

Mareko 5:23

ao e kabanea ana bubuti nako Ina, ao e kangai, “E rangi n aoraki natiu te aine. Nako mai, kaki baim i aona b'a e aonga ni karekea te marurung, ao e na maiu.”

Mareko 7:26

Te I-Erene neierei ae bungiaki n te tabo ae Turoboinikia. E butiia Iesu b'a E na kanakoa te taimonio mairoun natina are te teeinaine.

Mareko 9:16

Ao E kaekaia Iesu ni kangai, “Tera ae kam kauntaekaia ma ngaiia?”

Mareko 9:18

ike e taniaki iai i rouna, ao e bouaia i aontano, ao ngaia e kabungibaware ao e katiki m'angaina, ao e tikinono rab'atana. I tuangiia am reirei b'a a na kanakoa mai rouna, ma a aki kona.”

Mareko 9:25

Ao Iesu, ngke E noriia aomata aika m'aiti b'a a bane ni biri, ao E takua te tamnei are kam'ara, ao E taku nako ina, “Te tamnei ae ko babanga taetae ao ko bonotaninga, I tuangko b'a ko na oti nako mai rouna, ao ko na aki manga rin riki i nanona!”

Ruka 11:14

E kanakoa te taimonio ae aki kona n taetae Iesu; ao ngke e nako ao e taetae teuare e bae newena; ao a mimi aomata.

Ruka 9:38

Ao noria, e takaarua te aomata temanna mai buakoia aomata aika bati ni kangai: “Te Tia Reirei, I butiko b'a Ko na nanoanga natiu te mm'aane, b'a bon ti ngaia natiu!

Ioane 4:47

Ngke e ongo b'a E nako mai Iutaia Iesu nako Kariraia, ao e nakoina ni butiia b'a E na nako Kaberenaum ni kamaiua natina, b'a e a kani mate.