Mareko 8:31 - Te B'aib'ara

³¹ Ao Iesu, E moanna n reireiniia ana reirei n ana taeka aika kangai: “E riai b'a E na karawawataaki Natin te Aomata, ao b'a E na ribaki irouia unimm'aane ao irouia ibonga ake a kakannato ma taani koroboki; ao b'a E na kamateaki, ao i mwin tenibong, E na manga uti.”

Mareko 8:31 ပူးပေါင်းရင်းမြစ်များ

Taian Areru 118:22

Te atibu are a kakeaa bonganana taani kateitei, e a riki b'a te kabanea ni kakawaki.

Itaia 53:3

E ririibaaki ao e katinanikuaki; e onrake maiuna n te nanokawaki ao te rawawata ae e kakamaaku. Bon akea temanna ae e kan tarataraia. Ti kabuakaka ao ti kaangai, “Te aomata n aki akaaka!”

Otea 6:2

Ai ti uabong ke tenibong riki ao e a kamaiura ma ni kaoki korakorara b'a ti aonga ni manga maiu ma Ngaia.

Iona 1:17

Ao e kab'autaki Iona n te ika ae e buubura n ana babaaire te UEA, e mena i biroton te ika tenua te ngaina ao tenua te tairiki.

Mataio 12:40

B'a aron Iona ngke e mena i nanoni biroton te ika ae rangi ni buubura tenibong te ngaina ao tenibong te bong, ao ai aron naba Natin te Aomata: b'a e na mena i aantano tenibong te ngaina ao tenibong te bong.

Mataio 21:42

E taku Iesu nako ia, Kam tuai ni wareka are n te B'aib'ara are kangai: Te atibu are kakeaki bongana irouia taani kateitei, E a riki b'a bouan te maninganinga; Aei ana m'akuri te Uea, ao e kamimii i matara!

Mataio 27:63

ao a taku, “Teuae karineaki, ti uringa ana taeka te tia bureburea-te-aba arei, ngke E kangai n ana tai ni maiu: I mwin tenibong, ao N na manga uti.

Mareko 12:10

Kam tuai ni wareka te taeka are n te B'aib'ara are kangai: ‘Te atibu are a ribaia taani kateitei b'a akea bonganana, e a riki b'a te atibu ae moan te kakawaki i buakon atibu nako.

Ruka 17:25

Ma e na kabatiaaki moa b'ainikirinana ao E na ribaaki irouia kaain te roro aei.

Ruka 24:26

Tiaki e riai b'a E na karawawataki ni baikekei te Kristo, ao b'a E na rin i nanoni mimitongina?”

Ruka 24:44

Ao E taku nako ia, “Aikai au taeka ake I atong ngkoa nako imi, ngke I memena i roumi, b'a e riai b'a b'aai ni kabane ake a taekinaki i buku n ana tua Moote ma aia boki burabeti, ao i nanon Taian Areru, a na bane ni kakoroaki bukiia.”

Ioane 12:48

Ane rawa nako iu, ao e aki kaaki i nanona au taeka, ao bon iai ae na motika taekana: taeka ake I atong a na riki b'a b'aini motikan taekana n te kabanea ni bong.

Ioane 2:19

E kaekaia Iesu ao E taku, “Kam na urua te Tembora aei, ao N na manga kateia n ti tenibong.”

M'akuri 7:35

Mote aei, are a rawa i rouna, ngke a kaangai, “Antai ae karaoiko b'a te tia tautaeka ao te tia motiki-taeka?” Boni ngaia are e kanakoaki iroun te Atua b'a te tia tautaeka ao te tia kamaiu n ana buobuoki te anera are kaoti nakoina n te kai.

1.I-Korinto 15:4

E taunaki, ao E a manga uti n te katenibong n ai aron taekana n te B'aib'ara;

1.Tamuera 10:19

E a tia te Atua ni kamaiungkami man taiani kangaanga ma taiani kabuanib'ai. Ma kam a tia ni kamoamoaingkami nakon Atuami ma n bubuti karekean ami uea. Ma ngaia ae ngkai, kam na bane ni kaaningkami baronga ma kaainga n tatabeua nako nakon te tabo n taromauri b'a E aonga n rinea te uea te UEA.

1.Tamuera 8:7

Ao E kaeka te UEA: Tamuera, karaoi b'aai ni kabane akana a tangiri. B'a a bon ribaai b'a N na riki b'a aia uea.