Mareko 7:5 - Te B'aib'ara

⁵ Ao B'aritaio ma taani koroboki a titirakina Iesu ni kangai, A aera am reirei ngkai a aki tou mwin aia taeka n reirei ara bakatibu, b'a a am'arake ma baiia aika tuai ni kaitiakaki?

Mareko 7:5 ပူးပေါင်းရင်းမြစ်များ

Mataio 15:2

“A aera am reirei ngkai a ri aon aia taeka n reirei ara bakatibu? B'a a aki teboki baiia i m'ain am'arakeia!”

Mareko 7:13

Ao aei te katei are e a kakeaki iai ana taeka te Atua i bukin ami taeka n reirei nakoia aomata. Ao a m'aiti riki b'aai aika ai aron aei ae kam karaoi.”

Mareko 7:8

Kam rawa nakon ana tua te Atua, ao kam ongeaba nakon aia taeka n reirei aomata.

Mareko 7:9

Ao E a manga taku nako ia, Kam rabakau aromi ni kaki taekan ana tua te Atua, b'a kam aonga ni kawakin aia taeka n reirei ami bakatibu.

M'akuri 21:21

Ao a tia ni kaongoaki taekam b'a ko reireiia I-Iutaia ni kabaneia ake a maeka i tinanikun Iuta b'a a na kaaki taekan ana Tua Mote, ao ko tuangiia b'a a na aki korotabonim'aneaki aia ataei, ao a na aki iri nanon aia katei.

M'akuri 21:24

Ko na kairiia ni kaitiakiko ma ngaiia, ao ko na kab'akai booni karea i bukiia, b'a a aonga ni korobuatauia; ao ane a na bane n ataia iai aomata b'a akea koauan taekam ake a tia n tuangaki, ma ko bon nakonako naba i nanoni kawakinan te Tua.

I-Rom 4:12

Bon tamaia aomata nako aika a tia ni korotabonim'aneaki, tiaki ti i bukin ae a korotabonim'aneaki, ma i bukin naba aia onimaki b'a ti te bo ma ana onimaki Aberaam are tamaia ngke e tuai ni korotabonim'aneaki.

I-Karatia 1:14

E nako raoi riki arou n te Aro n Iutaia nakoia au roro aika bati aika kaain au botannaomata, b'a I bati n tangiri aia taeka n reirei au bakatibu.

2.I-Tetaronike 3:11

B'a ti ongo taekaia tabem'aang i buakomi aika rawa ni kani m'akuri, b'a akea aia m'akuri ma ti te katabetabeiia aomata.

2.I-Tetaronike 3:6

Taari, ti tuangngkami n aran ara Uea are Iesu Kristo, b'a kam na kararoaingkami mairoun te tari nako ae rawa ni kani m'akuri, ao e aki iri nanon taeka n reirei ake ti anganiia.