Mareko 6:14 - Te B'aib'ara

¹⁴ Ao te uea are Erote, e ongo taekan Iesu; b'a e a rangi n atoatongaki arana. A taku tem'angina, “E a maiu Ioane are te tia b'abetito mai buakoia maate, ma ngaia ae e a reke i rouna te m'aaka ni karaoi m'akuri aika kamimii.”

Mareko 6:14 ပူးပေါင်းရင်းမြစ်များ

2.Rongorongo 26:15

Iai tabeman ana taani m'akuri aika rarabakau ake a kunei karaoan taian mitiin ake a konaa ni katebe n taian kanoanikatebe ao taian atiibu aika a buubura. E katei baikai Utia i Ierutarem n ana taua n totoko ao ni koonan naba oon te kaawa are e buubura. E buoka Utia te Atua b'a e na rikirake man rikirake ni korakora, ao e a rangi n tanoata taekana ni kabuta te aonnaba.

2.Rongorongo 26:8

A bon kab'ab'akaa naba te ronrab'ata kaain Ammon nakon Utia. E rikirake korakoran m'aakana, ao a ongo rongorongona aomata ake a maeka n taabo aika a raroa nako i Aikubita.

Mataio 9:31

Ma ngke a nako, ao a katanoata taekana nako aon te aba arei ni kabuta.

Mareko 1:28

Ao e buta nako rongorongona nakon taabo nako ake i rarikini Kariraia.

Mareko 1:45

Ao e taon nako, ao e a moana naba tataekinan te baerei ni katanoata rongorongona. Ma ngaia are E aki kona n rin n te kawa Iesu, ma E a mena naba n taabo ake aki maekanaki. Ao a kawaria aomata man taabo nako.

Mareko 8:28

A kaeka ao a taku, “A taku b'a Ioane Ngkoe, are te tia B'abetito; ao tem'angina a taku b'a Eria; ao tem'angina, b'a temanna Ngkoe i buakoia burabeti.”

Ruka 13:31

A roko B'aritaio tabem'aang n te tai naba arei, ao a taku nakon Iesu, “Ko na nako maikai, b'a e tangiriko Erote b'a ko na kamateaki!”

Ruka 3:1

N ana katengauni ma nima ririki n uea Kaitara Tiberio, ngke e tautaeka Bontio Birato i Iutaia ao Erote i Kariraia, ao Biribo are tarin Erote i Iturea ao i Terakoniti, ao Rutania i Abirene,

Ruka 7:17

Ao e buta aon Iutaia ma taabo ake i rarikina n taekana.

Ruka 9:19

Ao a kaeka ni kangai, “Ioane are te tia B'abetito; ma a taku tem'angina b'a Eria; ao tem'angina, b'a temanna ae e a manga uti mai buakoia burabeti nikawai.”

1.I-Tetaronike 1:8

B'a e aki ti katanoataki n aromi ana taeka te Uea i M'aketonia ma Akaia, ma e a tia naba n tanoata taekan onimakinan te Atua i roumi n taabo ni kabane; ma ngaia ae akea te bae kainanoaki b'a ti na taekinna.

Ebera 2:4

ao te Atua E raoniia ni kakoaua n arona ni karaoi kanikina ma kamimii ma m'akuri aika m'aka ma tib'akini b'aai n tituaraoi ake mairoun te Tamnei are Raoiroi.