Mareko 5:15 - Te B'aib'ara

¹⁵ Ao ngke a roko iroun Iesu, ao a nora teuare taniaki ngkoa irouia tamnei aika kam'ara b'a e tekateka ao e kunnikaia, ao e a aomata; ao a maaku.

Mareko 5:15 ပူးပေါင်းရင်းမြစ်များ

1.Rongorongo 13:12

Ao e maaku Tawita b'a tera ae e na manga karaoia te UEA nakoina, ao e titirakina i bon i rouna ni kaangai, “Tao n na riki b'a te tia kaawakina te Atiniberita?”

1.Rongorongo 15:13

Te moan tai are ti kataia ni uota iai te ati nako Ierutarem, ti aki titirakina te UEA b'a tera ae e tangiria b'a ti na karaoia. E un iroura, i bukina ngke kam aki mena ikekei ngkami kanoan Rewi i bukin uotakin te ati.”

Iobi 13:11

Ko na maaka mimitongin m'aakana.

Taian Areru 14:5

Ane kam na kimamaaku, b'a E meemena te Atua irouia aika a kakaraoa ae e raoiroi.

Mataio 12:29

Ao e na iranna te aomata n rin n ana auti temanna ae aintoa n anai ana b'ai ngkana e aki kabaea moa teuare aintoa? Ao ngkana e a tia, ao e a kona ngkanne n anai ana b'ai ake n ana auti.

Mataio 26:53

Ko taku b'a I aki kona ni butiia Tamau, ao E a kanakomaia ngkai naba taanga n anera aika raka m'aitiia i aon tengauni ma ua taanga?

Mataio 4:24

E taona Turia ni kabuta rongorongon Iesu, ao a bane n uotaki nako Ina aomata aika aoraki n aekan aoraki nako ma maraki, ao akana taniaki irouia taimonio, ma akana iai aorakin aia iango, ma akana aki kona te nakonako; ao E kamaiuia.

Mataio 9:33

Ngke e a tia ni kanakoaki te taimonio, ao e taetae teuare babanga taetae; ao a mimi aomata, ao a taku, “E tuai man nonoraki te b'ai ae ai aron aei i buakoia Iteraera!”

Mareko 5:14

A biri nako uake a tararuaia beeki, ao a kabuta nako te rongorongo n te kawa ao n taabo ake a maekanaki. A roko aomata n nora te baere riki.

Mareko 5:16

Ao ake a nora te baerei, a tuangiia aomata taekan te baere riki nakon te aomata are taniaki irouia tamnei aika kam'ara, ma taekaia beeki.

Mareko 5:18

Ao ngke E nangi toka n te booti, ao teuare taniaki ngkoa irouia tamnei aika kam'ara, “E butiia b'a e na iria!”

Mareko 5:4

b'a a m'aiti ana tai ni kabaeaki waena ma baina n taurekereke, ma e a katoa tai naba ni motiki, ao e urui biiti ake kabaeani waena; akea ae e tau korakorana b'a e na taua.

Mareko 5:9

Ma ngaia are Iesu, E titirakinna ni kangai, “Antai aram?” E kaeka te aomata arei ao e taku, “Arau Rekeon-b'a a m'aiti ara koraki!”

Ruka 10:39

Ao neierei, iai tarina ae arana Nei Maria, are e tekateka i rarikin waen Iesu ao e ongongora n ana reirei.

Ruka 8:27

Ao ngke E aerake nako aon te aba, ao E aitara ma te aomata ae taniaki irouia taimonio ae nako man te kawa; e a maan teuaei n aki kukunnikainna, ao e mamaeka n aia tabo maate ma tiaki n te auti.

I-Korote 1:13

E a tia ni kamaiura mani m'aakan te roo, ao E uotiira nako aan ana tautaeka Natina are tangiraki;

2.Timoteo 1:7

B'a E aki anganira te Atua te Tamnei ae karikira b'a ti na mamaku; ma E anganira te Tamnei ae kaoniira n te korakora, te tangira, ma te kona n taon nanora nakoni baika e tangiri te rab'ata.

1.Tamuera 16:4

Ao Tamuera, e karaoa te b'ai are tuangnga te UEA ao e nako Betereem. Ao a nako taani kairiiri man te kaawa ni kaitibo ma ngaia, ma a rangi ni maaku ao a titiraki ni kaangai, “Tera rokom aei, te roko n raoi ke tiaki?”