Mareko 4:28 - Te B'aib'ara

²⁸ Te tano, boni ngaia ae e karikirakea te aroka ao e kauaaea naba: e kaoti moa te raibwebwe, ao rimwi te ari, ao rimwi te uaa n te ari.

Mareko 4:28 ပူးပေါင်းရင်းမြစ်များ

Karikani B'aai 2:9

Ao E kariki aekaki n aroka nako ikekei aika tikiraoi b'a a na riki rake ma ni kariki uaa. Ao iai aroka i nuukana, ae te aroka ae anga te maiu, ao te aroka ae anga ataan te raoiroi ma te buakaka.

Taian Areru 1:3

Ti te bo ma te kai are e tei i rarikin te tabo n ran: e maiureirei ao e kariki uaana n ana tai n uaa, ao e aki rai baana. A bane ni materaoi baike e karaoi.

Taeka n Rabakau 4:18

Katein maiuia aomata aika a raoiroi kaanga ai aron ootan taai n te kaarangaina are e tabe n rikirake ootana ni karokoa e a boni ngaina raoi.

Te Minita 3:1

Bon iai tain b'aai ni kabane i aon te aonnaba aei ao iai naba taian tai.

Te Minita 3:11

E kariki b'aai te Atua n taia aika a riai. Ma bon akea temanna mairoura ae e ataa raoi te b'ai ae E a tia ni karaoia, ao E katikui inanora taian titiraki i bukin boong aika a tia n nako, ao boong aika a na roko.

Itaia 61:11

E na karokoa te motikitaeka ae eti ao te nebonebo te UEA nakoia bootanaomatan te aonnaba, kaanga te uee ae e ure i nanon te nne n aroka.

Otea 6:3

Ti na karaoa ara kabanea n tamaroa n ukoukora ataakin te UEA. E a bon roko kaanga taai n te ingabong; E na manga kamaiu nanora kaanga te karau ngkana e kabooua te aonnaba i nanon tain tokin te kam'aitoro.

Mataio 13:26

Ma ngaia are ngke a riki rake aroka ao a uaa, ao a tib'a kinaki iai ngkanne titania i buakoia.

Mareko 4:27

E matu n te bong, ao e uti n te ngaina; ao i nanoni kakaraoan aei i rouna, ao e kaoti taberan te aroka, ao e riki rake. Ma e aki ataia b'a e kanga n riki aei.

Mareko 4:29

Ngke e tawaa te uaa, ao te aomata arei e koreia n ana biti, b'a e a roko tain te tai.

I-Biribi 1:6

ao I koaua raoi n aei, b'a Teuare moana te m'akuri ae e raoiroi i nanomi, E na boni wakina karaoana ni karokoa ae e tia n ana bong Kristo Iesu.

I-Korote 1:10

b'a kam aonga ni karaoi baika boraoi ma nanon te UEA, aika E na kukurei iai, n aromi ni karaoi m'akuri nako aika raraoi; ao b'a kam aonga n ata riki aron te Atua,