Mareko 16:18 - Te B'aib'ara

¹⁸ ane a na tabekia naeta; ao ngkana a moi n te b'ai ae kamamate ao a na aki rotaki iai; a na kaaki baiia i aoia aoraki ao ane e na reke i rouia te marurung.

Mareko 16:18 ပူးပေါင်းရင်းမြစ်များ

Karikani B'aai 3:15

N na karika te i kairiribai i marenam ma neiei n aki toki, ao i marenaia naba kanoam ma kanoana. E na kamanatua atuum, ao ngkoe ko na tenai bukin waena.”

Taian Areru 91:13

Ane ko na toutou aoia raian ma naeta aika tiritiri ma ni kamaamate.

Mareko 5:23

ao e kabanea ana bubuti nako Ina, ao e kangai, “E rangi n aoraki natiu te aine. Nako mai, kaki baim i aona b'a e aonga ni karekea te marurung, ao e na maiu.”

Ruka 10:19

Noria, I a tia n anganingkami te m'aaka b'a kam na kona n tou aoia naeta ma tikaobian, ao n tokanikai i aoni m'aakan nako te Kairiribai, ao akea te b'ai ae kam na kabuanib'ai iai.

M'akuri 19:12

n te aro are ngkana a anaaki kunnikai ma kaoanimaono ake a bo ma kunna ao a kakaki i aoia aoraki, ao a kona ni kamaiuaki iai man aorakiia, ao a oti nako naba tamnei aika bubuaka mai rouia.

M'akuri 3:12

Ngke e nooriia aomata Betero n te aro arei, ao e taku nakoia: Mm'aane aika Iteraera, kam aera ngkai kam mimi iroun teuaei? Ao kam aera ngkai kam katokai matami n taraira b'a aongkoa ti kanakonakoa teuaei n oini m'akara ma raoiroira i matan te Atua?

M'akuri 3:16

E a kamaiuaki teuae kam noria ma ni kinaa, n onimakinan aran Iesu; b'a onimakinan Iesu boni ngaia ae angan teuaei te marurung aei n aron ae kam bane n noria i matami.

M'akuri 4:10

ao e na ataaki iroumi ni kabaneingkami, ao irouia naba kaain te botannaomata ae Iteraera: b'a n aran Iesu Kristo are te I-Natareta, are kam kamatea n te kaibangaki, are E a manga kamaiua te Atua mai buakoia maate, boni Ngaia ae kamaiua teuae tei ni marurung i matami.

M'akuri 4:22

B'a abwi tabun ana ririki ni maiu te aomata are e karaoaki nakoina te m'akuri ni kamaiu ae kamimii arei.

M'akuri 4:30

Ko na arora nako baim ni kamaiu, ao anganira te kona ni karaoi kanikina ma m'akuri aika kamimii i nanon Aran Natim are Raoiroi are Iesu.

M'akuri 9:34

E taku Betero nakoina, “Ainea, E kamaiuko Iesu Kristo; teirake, ao bairea nem ni wene.” Ao e a teirake naba ngkekei Ainea.

I-Rom 16:20

E a kaani kamanatuan Tatan i aani waemi iroun te Atua, are e reke mai Rouna te raoi. E na mena iroumi ana akoi ara UEA are Iesu Kristo.

1.I-Korinto 12:9

Ao e anganaki temanna te onimaki, iroun te Tamnei are Raoiroi naba aei; ao temanna b'aai n tituaraoi i bukini katokan aoraki,