Mareko 16:17 - Te B'aib'ara

¹⁷ Ao akana onimaki, a kona n noraki irouia kanikina aikai: n Arau ao a na kanakoia taimonio; ao a na taetae n taetae nako;

Mareko 16:17 ပူးပေါင်းရင်းမြစ်များ

Mareko 9:38

E taku Ioane nako Ina, “Te Tia Reirei, ti a tia n nora teuae kanakoia taimonio n Aram, ao ti tuangnga b'a e na aki manga karaoia i bukina b'a tiaki raora.”

Ruka 10:17

A oki uake itingaun ma te kim'areirei, ao a taku, “Te Uea, a aantaeka naba i roura taimonio n aram!”

Ioane 14:12

Bon te koaua ni koaua ae I a tuangngkami b'a ane onimakinai ao e na karaoi m'akuri aika I karaoi; ao e na karaoi m'akuri aika ab'ab'aki riki, i bukina b'a N na nako n Tamau.

M'akuri 10:46

B'a a ongo i rouia ngke a taetae n taetae aika aki ataaki nanoia, ao ngke a neboa te Atua. E kaekaia ngkanne Betero, ao e taku,

M'akuri 16:18

Ao e kakaraoa aei ni boong aika bati n te aro are e a un i rouna B'auro. E rairaki, ao e kaangai nakon te tamnei are i nanon te ateiaine arei, “I tuangko n aran Iesu Kristo b'a ko na oti nako mai rouna!” Ao e a oti nako naba n te aoa arei.

M'akuri 19:6

Ao ngke e katokaa baina B'auro i aoia, ao E roko te Tamnei are Raoiroi i aoia; ao a taetae n taetaen aaba aika bati, ao a taetae ni burabeti.

M'akuri 2:33

Ngkae E neboaki i angaatain te Atua, ao ngkae E anganaki iroun te Tama te taeka n akoi i bukin te Tamnei are Raoiroi, ao E a tia n nurakina te baei, ae kam noria ma n ongo.

M'akuri 5:16

A roko naba aomata aika rangi ni bati mani kaawa ake i rarikin Ierutarem, ao a uotiia aoraki, ma aomata aika taniaki irouia anti aika bubuaka; ao a bane ni kamaiuaki.

M'akuri 8:7

B'a a oti nako anti aika kam'araa mairouia aomata aika bati ake a taniaki i rouia, ao a takarua irouia aomata aikai n te b'anaa ae korakora; ao a kamaiuaki aomata aika bati, aika a mate b'ain rab'ataia, ma aika m'auku.

1.I-Korinto 12:10

ao e anganaki temanna karaoani m'akuri aika kamimii. Ao tabeman b'a burabeti, ao tabeman te kona ni kinaa Tamnein te Atua ngkana e kaoti. Ao tabeman te kona n taetae n taetae aika aki ataaki nanoia, ao tabeman te kona ni kab'arab'arai nanoia.

1.I-Korinto 12:28

Ao E a tia te Atua ni kateia tem'angina i nanon te ekaretia: taan tuatua moa; te kauoua, burabeti; te katenua, taan reirei; ao i mwiia, taani karaoi m'akuri aika kamimii; ao i mwiia, te koraki aika anganaki te b'ai n tituaraoi i bukini katokan aoraki; ma taani buobuoki, ma taani kairiri, ma taan taetae n taetae aika a aki ataaki nanoia.

1.I-Korinto 12:30

Iai irouia aomata nako b'aai n tituaraoi i bukini katokan aoraki? A bane aomata nako n taetae n taetae nako aika a aki ataaki nanoia, ao a kona ni kab'arai nanoia?

1.I-Korinto 13:1

I kaota nako imi te aro ae moan te raoiroi riki: ngkana iai i rou te kona n taetae n taetaen aaba nako ma aia taetae anera, ma ngkana akea te tangira i rou, ao I riki n ai aron te b'ai ni katangitang ae te buraati ae e karongoa tangina, ma te b'ai ni katangitang ae te timbara ae e karongoa naba tangina.

1.I-Korinto 14:2

B'a te aomata ae taetae n te taetae ae aki ataaki, e aki taetae nakoia aomata, ma e taetae nakon te Atua; b'a akea ae ata nanon te baere e taekinna: b'a e taekin, ni m'aakan te Tamnei, baika raba.