Mareko 15:45 - Te B'aib'ara

⁴⁵ ao ngke e a ataia mairoun te mataniwi n te taanga ni buaka are tebubua kaaina, ao e a anga rab'atan Iesu nakon Ioteb'a.

Mareko 15:45 ပူးပေါင်းရင်းမြစ်များ

Mataio 27:58

E nako ni Birato, ao e butiia rab'atan Iesu. E tua ngkanne Birato b'a e na anganaki Ioteb'a rab'atan Iesu.

Mareko 15:39

Ao te mataniwi n te taanga ni buaka are tebubua kaaina, ngke e nora Iesu b'a E mate n te aro arei, ao e taku, “Bon te koaua b'a Natin te Atua te Aomata aei.”

Mareko 15:44

E mimi Birato ngke e ongo b'a E a kaman tia ni mate Iesu! E wetea te mataniwi n te taanga ni buaka are tebubua kaaina, ao e titirakinna ni kakaaea koauan te rongorongo arei mai rouna;

Mareko 15:46

Ao Ioteb'a e kaboa te kunnikai ae tamaroa ae mainaina, ao e karuoa rab'atan Iesu ao e niria iai; ao e kawenea n te ne ni mate ae ekeaki i nanon te b'a, ao e karabinoa te atibu ae buubura b'a bonotani matan te nne ni mate.

Ioane 19:38

I mwini baikai, ao e butia Birato Ioteb'a are te I-Arimataia b'a e na uota nako rab'atan Iesu; ana reirei Iesu ngaia, ma e karabaa b'a e makuia I-Iutaia. E kariaia ana bubuti Birato, ma ngaia are e nako n anaa rab'atan Iesu ao e uotia nako.