Mareko 15:40 - Te B'aib'ara

⁴⁰ Iai naba aine ikekei ake a mataku mai kiraroa; ao e mena i buakoia Nei Maria are te I-M'aketara, ao Nei Maria are tinan Iote ma Iakobo are te ataei riki; ao raoia naba Tarome,

Mareko 15:40 ပူးပေါင်းရင်းမြစ်များ

Taian Areru 38:11

A kararoaai raoraou ma ake a maeka ni kaan ma ngai i bukin aorakiu; ao a kararoaai naba au utu mairou.

Mataio 10:3

ao Biribo, ao B'aretorom'aio; ao Toma, ao Mataio are te tia anai taekiti; ao Iakobo are natin Areb'aio, ao Tataio;

Mataio 13:55

Tiaki natin te kabenta Teuaei? Tiaki aran tinana Nei Maria? Ao tiaki tarina Iakobo, ma Ioteb'a, ma Timon, ma Iuta?

Mataio 27:61

A tekateka ikekei Nei Maria are te I-M'aketara ma Nei Maria are temanna, ni kaitaraa te nne ni mate.

Mataio 28:1

Ngke e a toki te Taabati, ngke e a kaan otin taai ni moani bongin te wiiki, ao e nako Nei Maria are te I-M'aketara ma Nei Maria are temanna, ni kawara te nne ni mate b'a a na noria.

Mareko 15:47

Ao Nei Maria are te I-M'aketara ma Nei Maria are tinan Iote a nora te tabo are e kaweneaki iai rab'atan Iesu.

Mareko 16:1

Ngke e a toki te Taabati, ao a kabooi baika boiarara Nei Maria are te I-M'aketara ma Tarome ma Nei Maria are tinan Iakobo, b'a a na nako ni kabira rab'atan Iesu.

Mareko 16:9

Ngke E a manga uti Iesu mai buakoia maate ni moani bongin te wiiki, ao E kaoti moa nakon Nei Maria are te I-M'aketara, are E a tia ni kaotinakoia mai rouna taimonio ake itiman.

Ruka 19:3

E kan nora Iesu b'a tera aron taraana, ma e aki kona i bukiia aomata aika m'aiti, ao ngaia, te aomata ae uarereke.

Ruka 23:49

Ao raona ni kabaneia, ma aine ake a iria mai Kariraia, a tei i kiraroa ni mataku ni baikekei.

1.I-Korinto 9:5

Akea ara riai b'a ti na kaiririia buura aika Kiritian, n ai aroia taan tuatua ake tabem'aang, ma tarin nako te UEA, ma Keeb'a?

I-Karatia 1:19

ma I aki nora te tia tuatua riki temanna, b'a ti Iakobo are tarin te UEA.

Iakobo 1:1

Mairoun Iakobo, ae ana toro te Atua ma te Uea are Iesu Kristo; nakoia ana aomata nako te Atua ake a uamaae i aonnaba; kam na mauri.